Al Arabi komst í dag áfram í Stjörnubikarnum í Katar eftir sigur á Al Wakrah í átta liða úrslitunum.
Heimir Hallgrímsson og lærisveinar hans eru því komnir í undanúrslit bikarsins.
Aron Einar Gunnarsson spilaði allan leikinn á miðju Al Arabi. Hann er búinn að ná sér að fullu af meiðslunum og gott að sjá hann skila 90 mínútum nú þegar styttist í umspilsleikina mikilvægu í mars.
Sigurmark Al Arabi kom strax á fimmtu mínútu en það skoraði Þjóðverjinn Pierre-Michel Lasogga.
Al Arabi varð fyrsta liðið til að tryggja sér sæti í undanúrslitum keppninnar.
Fram
ÍBV
