Viðskipti erlent

Boeing lenti geimfari sem hlekktist á

Kjartan Kjartansson skrifar
Starfsmaður Boeing fylgist með geimferjunni lenda á Hvítu söndum í Nýju-Mexíkó.
Starfsmaður Boeing fylgist með geimferjunni lenda á Hvítu söndum í Nýju-Mexíkó. AP/Aubrey Gemignani

Ómönnuð geimferja Boeing sem lenti í hremmingum í jómfrúarferð sinni í síðustu viku lenti heilu og höldnu í eyðimörkinni í Nýju-Mexíkó í nótt. Geimferjan átti upphaflega að fljúga til Alþjóðlegu geimstöðvarinnar á braut um jörðu en hún komst hins vegar aldrei á rétta sporbraut eftir geimskotið á föstudag.

Starliner-geimferjan er geimfarið sem Boeing hefur unnið að til að flytja menn út í geim fyrir bandarísku geimvísindastofnunina NASA. Henni var skotið á loft á föstudag og átti hún að flytja vistir til geimstöðvarinnar.

Upphaflega átti ferðin að taka viku en hún var stytt eftir að þrýstiflaugar geimferjunnar virkuðu ekki sem skyldi aðeins hálftíma eftir geimskotið frá Canaveral-höfða fyrir helgi. Geimferjan komst því aldrei á rétta braut til að ná til geimstöðvarinnar.

Orsökin er sögð innri klukka geimferjunnar sem var ekki í samræmi við Atlas V-eldflaugarinnar sem skaut ferjunni út í geim, að sögn AP-fréttastofunnar. Ferjan fór 33 hringi í kringum jörðina áður en hún lenti í Nýju-Mexíkó.

Lendingin gekk að óskum en þetta var í fyrsta skipti sem bandarískt geimfar sem hannað er til að flytja menn lenti á föstu landi eftir geimferð. Allar aðrar geimferjur Bandaríkjamanna hafa lent í hafinu.

Þó að lendingin hafi gengið vel verða geimfararnir sem eru í Alþjóðlegu geimstöðinni án jólagjafanna, fatnaðar og matvæla sem Starliner-ferjan átti að færa þeim.


Tengdar fréttir

Geimfararnir fá ekki jólagjafirnar

Forsvarsmenn NASA og Boeing hafa ákveðið að geimfarinu Starliner verði snúið aftur til jarðarinnar. Ómögulegt sé að fljúga því til Alþjóðlegu geimstöðvarinnar.

Nýtt geimfar Boeing náði ekki réttri sporbraut

Starliner, nýtt geimfar Boeing, sem Bandaríkin ætla að nota til að flytja geimfara út í geim, náði ekki réttri sporbraut í fyrstu ferð farsins til Alþjóðlegu geimstöðvarinnar.






Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
SIMINN
0,51
19
128.775
LEQ
0,41
2
2.721
SYN
0,37
6
30.688
EIM
0,34
3
15.632
EIK
0,1
9
49.972

Mesta lækkun dagsins


Félag
Br.%
Fjöldi
Velta*
ICEAIR
-1,97
63
81.019
REGINN
-1,81
16
163.933
REITIR
-1,59
17
158.966
ICESEA
-1,59
10
37.573
ARION
-1,02
45
1.159.883
Velkomin á Vísi. Þessi vefur notar vafrakökur. Sjá nánar.