Miður sín að gegna formennsku en bjartsýnn með nýtt fólk í brúnni Berghildur Erla Bernharðsdóttir og Kolbeinn Tumi Daðason skrifa 15. október 2019 15:01 Sveinn Guðmundsson, formaður stjórnar SÍBS. Vísir Sveinn Guðmundsson, formaður stjórnar SÍBS, segist ekki eiga von á frekari uppsögnum á Reykjalundi. Hann segist því miður vera formaður SÍBS en fagnar nýju fólki í brúnni. Nýr framkvæmdastjóri lækninga var kynntur til leiks í hádeginu og ráðning forstjóra stendur yfir. Ólafur Þór Ævarsson tekur við Magnúsi Ólasyni sem nýr framkvæmdastjóri lækninga. Herdís Gunnarsdóttir, sem tók við sem framkvæmdastjóri endurhæfingarsviðs á Reykjalundi, hefur verið settur forstjóri Reykjalundar á meðan ráðningarferli stendur yfir. „Við erum náttúrulega ekki ánægð með þessa stöðu sem er komin upp en hún er bara niðurstaðan í dag. Við erum mjög fegin því að vera komin með tvo flotta stjórnendur inn í kerfið okkur. Herdísi Gunnarsdóttur sem hefur stjórnað stórri stofnun frá fyrri tíma og svo Ólaf sem er með mikla reynslu sem læknir,“ segir Sveinn.Starfsfólk lýsti yfir vantrausti á stjórnina fyrir helgi. „Ég hef ekkert um það að segja. Ég skil reiðina, undirtóninn og allt og get ekkert gert með það,“ segir Sveinn.En hefði verið hægt að standa betur að breytingunum? „Ég get ekki sagt hvernig uppsagnirnar báru að hver í sínu lagi. Það er trúnaður á milli okkar með þetta. Auðvitað hefði margt mátt fara öðruvísi en þetta er niðurstaðan í dag. Við verðum að horfa til framtíðar og setja sjúklinga í fyrsta sæti.“Rétt áður en starfsmannafundurinn hófst í hádeginu í dag þar sem Ólafur Þór Ævarsson var kynntur til leiks sem nýr framkvæmdastjóri endurhæfingar.Vísir/SigurjónHann hefur ekki trú á því að óánægja starfsfólks komi niður á sjúklingum endurhæfingarstöðvarinnar. „Ég reikna ekki með því. Þetta er það flott fólk hérna að það veit hvað er númer eitt, tvö og þrjú.“ Magðalena Ásgeirsdóttir yfirlæknir íhugar að segja upp störfum í kjölfar annarrar uppsagnar vegna óánægju með skipulagsbreytingar. Hún segist ekki bera virðingu fyrir því fólki sem stjórn SÍBS hafi ráðið en um sé að ræða handbendi stjórnarinnar. Sjálf íhugi hún uppsögn í framhaldi af uppsögn annars óánægðs starfsmanns.Á Sveinn von á fleiri uppsögnum? „Ég á ekki von á því. Fólk verður að ráða því hvað það vill gera. Þetta er góður vinnustaður til framtíðar, með þetta góða fólk sem er komið í framkvæmdastjórnina. Ég treysti því til að klára þetta alla leið og miklu meira en það,“ segir Sveinn.Ný framkvæmdastjórn Reykjalundar f.v. Guðbjörg Gunnarsdóttir mannauðsstjóri, Lára M. Sigurðardóttir framkvæmdastjóri hjúkrunar, Ólafur Þór Ævarsson framkvæmdastjóri lækninga, Herdís Gunnarsdóttir forstjóri, Helgi Kristjónsson framkvæmdastjóri rekstrarsviðs.Aðspurður hvort hann íhugi að hætta sem formaður stjórnar segir hann: „Ég var að fara að hætta, ætlaði ekki að vera þetta tímabil sem er núna. Því miður sit ég það. Þetta er tveggja ára tímabil. Ég er búinn að vera þá fjögur ár. Við erum sjúklingasamtök sem myndum stjórn SÍBS, það eru fjölmörg samtök sem mynda það, og svo er einn í okkar röðum sem fer inn í þetta hlutverk. Og ég er þar í dag, því miður er ég þar í dag.“ Örfáir starfsmenn mættu á starfsmannafund sem boðað hafði verið til í hádeginu í dag. „Það getur verið að skýringin sé að það var boðað mjög seint til fundarins í fyrsta lagi. Samhliða því var sent út til allra starfsmanna það sem hér fór fram. Það má því segja að fundurinn var færður á blað til allra fyrir fundinn.“ Fundurinn hafi farið vel fram. „Þetta var vel flutt þetta mál, bæði Ólafs og Herdísar, og þau gerðu mjög vel grein fyrir sínum störfum til framtíðar. Þannig að ég er bjartsýnn.“ Heilbrigðismál Mosfellsbær Ólga á Reykjalundi Mest lesið Þjóðhátíðargestum hleypt inn í Herjólfshöll meðan veðrið gengur yfir Innlent „Manneskja sem er komin á þetta plan hlýtur að vera rökþrota“ Innlent Klíndu límmiðum á Ormsson sem versla ekki einu sinni við Rapyd Innlent Breyti engu á jörðu niðri að viðurkenna sjálfstæði Palestínu Erlent Fjölskyldufaðir stunginn meðan sonurinn horfði á Innlent Opnun Samverks á Hellu fagnað Innlent Þjóðarpúls Gallups: Kristrún og Þorgerður gætu myndað meirihluta án Flokks fólksins Innlent Trump ræsir út kjarnorkukafbáta eftir „ögrandi“ ummæli Rússa Erlent Þjóðhátíð í Eyjum: Farþegafjöldi í Herjólfi komi á óvart Innlent Fékk sex milljónum of há laun og neitaði að endurgreiða þau Innlent Fleiri fréttir Þjóðhátíðargestum hleypt inn í Herjólfshöll meðan veðrið gengur yfir Klíndu límmiðum á Ormsson sem versla ekki einu sinni við Rapyd Opnun Samverks á Hellu fagnað „Manneskja sem er komin á þetta plan hlýtur að vera rökþrota“ Þjóðarpúls Gallups: Kristrún og Þorgerður gætu myndað meirihluta án Flokks fólksins „Ég upplifi þetta sem mikinn yfirgang og ofbeldi“ Íbúar við Þjórsá æfir og þrumuveður um Versló Handtekinn með reipi um hálsinn eftir ofsaakstur á flugbraut undir áhrifum fíkniefna Búast við þrumuveðri og vatnavöxtum Ný verðskrá kindakjöts vonbrigði fyrir sauðfjárbændur Sagði foreldrana líklega hafa dottið í aðdraganda andlátsins Fjölskyldufaðir stunginn meðan sonurinn horfði á Fundu engan hvítabjörn Hraunbreiðan þykknar og líkur á framhlaupum aukast „Hann skilar algjörlega auðu í náttúruverndarmálum“ Þjóðhátíð í Eyjum: Farþegafjöldi í Herjólfi komi á óvart Skýrara hvar besta veðrið verður um helgina Vann skemmdir á golfvelli og skildi eftir smokk Trump hækkar tolla á Ísland og viðbúnaður á Þjóðhátíð Þyrlan farin vestur í hvítabjarnareftirlit Fékk sex milljónum of há laun og neitaði að endurgreiða þau Annasamt ár á Bessastöðum: Kóngafólk, keisari, umtöluð undirskrift og brúnir skór Áhrifin af stöðvunarkröfunni óveruleg Mengun gæti borist á Snæfellsnes og Vestfirði Hlutum kastað til í verslun og könnu í bílrúðu Óheppilegt ef fölsk mynd varpar sök á saklausan mann Skiptar skoðanir um umfang og kostnað vegna listaverks Ólafs í Eyjum Sakar sveitastjórann um atvinnuróg og „kæfandi klámhögg“ „Komið nóg af áföllum“ Níu ára og með sitt eigið „Fannars bakarí“ í Njarðvík Sjá meira
Sveinn Guðmundsson, formaður stjórnar SÍBS, segist ekki eiga von á frekari uppsögnum á Reykjalundi. Hann segist því miður vera formaður SÍBS en fagnar nýju fólki í brúnni. Nýr framkvæmdastjóri lækninga var kynntur til leiks í hádeginu og ráðning forstjóra stendur yfir. Ólafur Þór Ævarsson tekur við Magnúsi Ólasyni sem nýr framkvæmdastjóri lækninga. Herdís Gunnarsdóttir, sem tók við sem framkvæmdastjóri endurhæfingarsviðs á Reykjalundi, hefur verið settur forstjóri Reykjalundar á meðan ráðningarferli stendur yfir. „Við erum náttúrulega ekki ánægð með þessa stöðu sem er komin upp en hún er bara niðurstaðan í dag. Við erum mjög fegin því að vera komin með tvo flotta stjórnendur inn í kerfið okkur. Herdísi Gunnarsdóttur sem hefur stjórnað stórri stofnun frá fyrri tíma og svo Ólaf sem er með mikla reynslu sem læknir,“ segir Sveinn.Starfsfólk lýsti yfir vantrausti á stjórnina fyrir helgi. „Ég hef ekkert um það að segja. Ég skil reiðina, undirtóninn og allt og get ekkert gert með það,“ segir Sveinn.En hefði verið hægt að standa betur að breytingunum? „Ég get ekki sagt hvernig uppsagnirnar báru að hver í sínu lagi. Það er trúnaður á milli okkar með þetta. Auðvitað hefði margt mátt fara öðruvísi en þetta er niðurstaðan í dag. Við verðum að horfa til framtíðar og setja sjúklinga í fyrsta sæti.“Rétt áður en starfsmannafundurinn hófst í hádeginu í dag þar sem Ólafur Þór Ævarsson var kynntur til leiks sem nýr framkvæmdastjóri endurhæfingar.Vísir/SigurjónHann hefur ekki trú á því að óánægja starfsfólks komi niður á sjúklingum endurhæfingarstöðvarinnar. „Ég reikna ekki með því. Þetta er það flott fólk hérna að það veit hvað er númer eitt, tvö og þrjú.“ Magðalena Ásgeirsdóttir yfirlæknir íhugar að segja upp störfum í kjölfar annarrar uppsagnar vegna óánægju með skipulagsbreytingar. Hún segist ekki bera virðingu fyrir því fólki sem stjórn SÍBS hafi ráðið en um sé að ræða handbendi stjórnarinnar. Sjálf íhugi hún uppsögn í framhaldi af uppsögn annars óánægðs starfsmanns.Á Sveinn von á fleiri uppsögnum? „Ég á ekki von á því. Fólk verður að ráða því hvað það vill gera. Þetta er góður vinnustaður til framtíðar, með þetta góða fólk sem er komið í framkvæmdastjórnina. Ég treysti því til að klára þetta alla leið og miklu meira en það,“ segir Sveinn.Ný framkvæmdastjórn Reykjalundar f.v. Guðbjörg Gunnarsdóttir mannauðsstjóri, Lára M. Sigurðardóttir framkvæmdastjóri hjúkrunar, Ólafur Þór Ævarsson framkvæmdastjóri lækninga, Herdís Gunnarsdóttir forstjóri, Helgi Kristjónsson framkvæmdastjóri rekstrarsviðs.Aðspurður hvort hann íhugi að hætta sem formaður stjórnar segir hann: „Ég var að fara að hætta, ætlaði ekki að vera þetta tímabil sem er núna. Því miður sit ég það. Þetta er tveggja ára tímabil. Ég er búinn að vera þá fjögur ár. Við erum sjúklingasamtök sem myndum stjórn SÍBS, það eru fjölmörg samtök sem mynda það, og svo er einn í okkar röðum sem fer inn í þetta hlutverk. Og ég er þar í dag, því miður er ég þar í dag.“ Örfáir starfsmenn mættu á starfsmannafund sem boðað hafði verið til í hádeginu í dag. „Það getur verið að skýringin sé að það var boðað mjög seint til fundarins í fyrsta lagi. Samhliða því var sent út til allra starfsmanna það sem hér fór fram. Það má því segja að fundurinn var færður á blað til allra fyrir fundinn.“ Fundurinn hafi farið vel fram. „Þetta var vel flutt þetta mál, bæði Ólafs og Herdísar, og þau gerðu mjög vel grein fyrir sínum störfum til framtíðar. Þannig að ég er bjartsýnn.“
Heilbrigðismál Mosfellsbær Ólga á Reykjalundi Mest lesið Þjóðhátíðargestum hleypt inn í Herjólfshöll meðan veðrið gengur yfir Innlent „Manneskja sem er komin á þetta plan hlýtur að vera rökþrota“ Innlent Klíndu límmiðum á Ormsson sem versla ekki einu sinni við Rapyd Innlent Breyti engu á jörðu niðri að viðurkenna sjálfstæði Palestínu Erlent Fjölskyldufaðir stunginn meðan sonurinn horfði á Innlent Opnun Samverks á Hellu fagnað Innlent Þjóðarpúls Gallups: Kristrún og Þorgerður gætu myndað meirihluta án Flokks fólksins Innlent Trump ræsir út kjarnorkukafbáta eftir „ögrandi“ ummæli Rússa Erlent Þjóðhátíð í Eyjum: Farþegafjöldi í Herjólfi komi á óvart Innlent Fékk sex milljónum of há laun og neitaði að endurgreiða þau Innlent Fleiri fréttir Þjóðhátíðargestum hleypt inn í Herjólfshöll meðan veðrið gengur yfir Klíndu límmiðum á Ormsson sem versla ekki einu sinni við Rapyd Opnun Samverks á Hellu fagnað „Manneskja sem er komin á þetta plan hlýtur að vera rökþrota“ Þjóðarpúls Gallups: Kristrún og Þorgerður gætu myndað meirihluta án Flokks fólksins „Ég upplifi þetta sem mikinn yfirgang og ofbeldi“ Íbúar við Þjórsá æfir og þrumuveður um Versló Handtekinn með reipi um hálsinn eftir ofsaakstur á flugbraut undir áhrifum fíkniefna Búast við þrumuveðri og vatnavöxtum Ný verðskrá kindakjöts vonbrigði fyrir sauðfjárbændur Sagði foreldrana líklega hafa dottið í aðdraganda andlátsins Fjölskyldufaðir stunginn meðan sonurinn horfði á Fundu engan hvítabjörn Hraunbreiðan þykknar og líkur á framhlaupum aukast „Hann skilar algjörlega auðu í náttúruverndarmálum“ Þjóðhátíð í Eyjum: Farþegafjöldi í Herjólfi komi á óvart Skýrara hvar besta veðrið verður um helgina Vann skemmdir á golfvelli og skildi eftir smokk Trump hækkar tolla á Ísland og viðbúnaður á Þjóðhátíð Þyrlan farin vestur í hvítabjarnareftirlit Fékk sex milljónum of há laun og neitaði að endurgreiða þau Annasamt ár á Bessastöðum: Kóngafólk, keisari, umtöluð undirskrift og brúnir skór Áhrifin af stöðvunarkröfunni óveruleg Mengun gæti borist á Snæfellsnes og Vestfirði Hlutum kastað til í verslun og könnu í bílrúðu Óheppilegt ef fölsk mynd varpar sök á saklausan mann Skiptar skoðanir um umfang og kostnað vegna listaverks Ólafs í Eyjum Sakar sveitastjórann um atvinnuróg og „kæfandi klámhögg“ „Komið nóg af áföllum“ Níu ára og með sitt eigið „Fannars bakarí“ í Njarðvík Sjá meira