Stefna Isavia og vilja lægri greiðslur Kristinn Ingi Jónsson skrifar 3. júlí 2019 07:00 Mikið hefur verið deilt um gjaldtöku Isavia á bílastæðum við flugstöð Leifs Eiríkssonar. Fréttablaðið/Ernir Kynnisferðir hafa stefnt Isavia vegna þeirrar ákvörðunar ríkisfyrirtækisins að stöðva síðasta sumar tímabundið gjaldtöku á ytri rútustæðum við flugstöð Leifs Eiríkssonar. Rúturisinn krefst þess að greiðslur sínar til Isavia verði lækkaðar enda hafi ákvörðun fyrirtækisins, sem var tekin að kröfu Samkeppniseftirlitsins, raskað samkeppni þeirra rútufyrirtækja sem hafa með höndum farþegaflutninga til og frá flugvellinum. „Við töldum eðlilegt að í ljósi þess að Isavia hóf ekki gjaldtöku á fjarstæðunum fyrr en í nóvember í fyrra að það ætti að taka mið af því í okkar greiðslum til Isavia,“ segir Björn Ragnarsson, framkvæmdastjóri Kynnisferða, í samtali við Markaðinn. Ríkisfyrirtækið hafi hins vegar ekki viljað ljá máls á því. Málið verður tekið fyrir í héraðsdómi í byrjun septembermánaðar. Sem kunnugt er tók Samkeppniseftirlitið bráðabirgðaákvörðun í júlí í fyrra þar sem Isavia var gert að stöðva tímabundið gjaldtöku á fjarstæðum við flugstöðina. Umrædd gjaldtaka hafði hafist í mars fyrr um árið í framhaldi af útboði um nýtingu á stæðum við bygginguna, svonefndum nærstæðum, en Kynnisferðir og Hópbílar áttu besta boðið. Ákvörðun Samkeppniseftirlitsins var tekin í kjölfar kvörtunar keppinautarins Gray Line, sem tók jafnframt þátt í útboðinu, en rútufyrirtækið taldi að gjaldtaka Isavia á fjarstæðunum hefði falið í sér óheimila skattheimtu.Björn Ragnarsson, framkvæmdastjóri KynnisferðaÁ seinni stigum málsins lýsti Samkeppniseftirlitið því þó yfir að Isavia væri skylt að halda gjaldtökunni áfram með breyttu verðlagi og tók áfrýjunarnefnd samkeppnismála undir það sjónarmið í úrskurði sínum síðasta haust. Í byrjun nóvember kynnti Isavia svo nýja gjaldskrá fyrir fjarstæðin sem gildir þar til deilan hefur endanlega verið leidd til lykta af hálfu eftirlitsins. Björn segir að í forsendum áðurnefnds útboðs frá 2017 hafi komið fram að gjaldtaka myndi hefjast á fjarstæðunum á sama tíma og nýir samningar vegna nærstæðanna tækju gildi. „Gray Line kærði gjaldtökuna til Samkeppniseftirlitsins sem tók svo bráðabirgðaákvörðun í júlí árið 2018 en Isavia túlkaði niðurstöðu eftirlitsins þannig að fyrirtækinu væri gjaldtakan óheimil. Isavia hætti því gjaldtökunni á fjarstæðunum í júlí og alveg fram í nóvember. Við höfum síðan upplýsingar um að fyrirtækið hafi ekki gengið á eftir því að fá greiðslur frá því í mars eða alveg frá því að nýja gjaldskráin tók gildi,“ nefnir Björn. Stjórnendur Kynnisferða hafi því talið eðlilegt að tekið yrði tillit til þessara atvika í samningum sínum við Isavia og greiðslur til ríkisfyrirtækisins yrðu lækkaðar. Forsvarsmenn rúturisans hafa bent á að ákvörðun Isavia um að stöðva gjaldtökuna hafi leitt til mismununar og röskunar á samkeppni gagnvart þeim rútufyrirtækjum sem unnu útboðið 2017 og fengu þannig aðgang að nærstæðunum. Ákvörðunin hafi gert það að verkum að þau fyrirtæki sem stundi fólksflutninga til og frá Keflavíkurflugvelli og nýti eingöngu fjarstæðin hafi ekki þurft að greiða gjald á meðan bráðabirgðaákvörðunin hafi verið í gildi en á sama tíma hafi þau fyrirtæki sem nýti nærstæðin, Kynnisferðir og Hópbílar, þurft að greiða Isavia í samræmi við útboðsskilmálana. „Við teljum að við hefðum átt að fá einhverja umbun eins og önnur fyrirtæki sem voru klárlega í samkeppni við okkur um þessi fjarstæði,“ segir Björn. „Isavia hefur ekki viljað taka tillit til þess og fara í viðræður við okkur um lækkun á greiðslunum fyrir þetta tímabil og því brugðum við á það ráð að stefna fyrirtækinu og láta þá dómstóla skera úr um það.“ Birtist í Fréttablaðinu Dómsmál Keflavíkurflugvöllur Mest lesið Stjórnarandstaðan í vasa hagsmunaaðila Viðskipti innlent Jakob Valgeir lét Guðbjart bróður sinn fara Viðskipti innlent „Ég held að þú þurfir ný gleraugu“ Viðskipti innlent Ráðinn markaðsstjóri Bónuss Viðskipti innlent Aka um Ísland í allt sumar og mynda vegakerfið í þrívídd Viðskipti innlent Af og frá að slakað sé á aðhaldi Viðskipti innlent Ráðuneytið ógilti lóðaúthlutun fyrir milljarða Viðskipti innlent Bein útsending: Rökstyðja ákvörðun sína um lækkun vaxta Viðskipti innlent Gefast upp á miðbænum: „Það er hringur eftir hring, engin bílastæði“ Viðskipti innlent Of snemmt að segja til um hvort vaxtalækkunarferlinu sé lokið í bili Viðskipti innlent Fleiri fréttir Stjórnarandstaðan í vasa hagsmunaaðila Af og frá að slakað sé á aðhaldi Ráðinn markaðsstjóri Bónuss Aka um Ísland í allt sumar og mynda vegakerfið í þrívídd Of snemmt að segja til um hvort vaxtalækkunarferlinu sé lokið í bili „Ég held að þú þurfir ný gleraugu“ Úthluta eftirstandandi hlutum í Íslandsbanka Bein útsending: Rökstyðja ákvörðun sína um lækkun vaxta Reitir fasteignafélag og HR efna til hugmyndasamkeppni fyrir nemendur Vaxtalækkunarferlið heldur áfram Birta nýja ákvörðun um stýrivexti í dag Ráðuneytið ógilti lóðaúthlutun fyrir milljarða Tólf milljarða hagnaður á fyrsta ársfjórðungi Jakob Valgeir lét Guðbjart bróður sinn fara Niðurstöður álagningar birtar á fimmtudag Gefast upp á miðbænum: „Það er hringur eftir hring, engin bílastæði“ Rökrétt að lækka lyfjaverð í Bandaríkjunum Rapyd sé íslenskt fyrirtæki með kennitölu frá 1983 Þurfi að líta ofar í tekjustigann í næstu kjarasamningum Hefja viðskipti með bréf í Alvotech í Stokkhólmi Óttast að háir vextir sogi sparnaðinn til Tenerife Ráku framkvæmdastjórann og komust svo að rafmyntagreftrinum Tilefni fyrir ríkið að íhuga sölu Landsbankans Himinlifandi og ekki hugsi yfir litlum hlut fagfjárfesta Heinemann svarar Sameyki: „Þetta er rangt“ Gömlu höfuðstöðvar Icelandair verða hjúkrunarheimili Ríflega þrjátíu þúsund einstaklingar kaupa hlut ríkisins „Þetta er framar okkar björtustu vonum“ Heildarvirði tæpur 91 milljarður og líkur á að nær allir hlutir fari til almennings Líklega stærsta eignasala ríkissjóðs frá upphafi Sjá meira
Kynnisferðir hafa stefnt Isavia vegna þeirrar ákvörðunar ríkisfyrirtækisins að stöðva síðasta sumar tímabundið gjaldtöku á ytri rútustæðum við flugstöð Leifs Eiríkssonar. Rúturisinn krefst þess að greiðslur sínar til Isavia verði lækkaðar enda hafi ákvörðun fyrirtækisins, sem var tekin að kröfu Samkeppniseftirlitsins, raskað samkeppni þeirra rútufyrirtækja sem hafa með höndum farþegaflutninga til og frá flugvellinum. „Við töldum eðlilegt að í ljósi þess að Isavia hóf ekki gjaldtöku á fjarstæðunum fyrr en í nóvember í fyrra að það ætti að taka mið af því í okkar greiðslum til Isavia,“ segir Björn Ragnarsson, framkvæmdastjóri Kynnisferða, í samtali við Markaðinn. Ríkisfyrirtækið hafi hins vegar ekki viljað ljá máls á því. Málið verður tekið fyrir í héraðsdómi í byrjun septembermánaðar. Sem kunnugt er tók Samkeppniseftirlitið bráðabirgðaákvörðun í júlí í fyrra þar sem Isavia var gert að stöðva tímabundið gjaldtöku á fjarstæðum við flugstöðina. Umrædd gjaldtaka hafði hafist í mars fyrr um árið í framhaldi af útboði um nýtingu á stæðum við bygginguna, svonefndum nærstæðum, en Kynnisferðir og Hópbílar áttu besta boðið. Ákvörðun Samkeppniseftirlitsins var tekin í kjölfar kvörtunar keppinautarins Gray Line, sem tók jafnframt þátt í útboðinu, en rútufyrirtækið taldi að gjaldtaka Isavia á fjarstæðunum hefði falið í sér óheimila skattheimtu.Björn Ragnarsson, framkvæmdastjóri KynnisferðaÁ seinni stigum málsins lýsti Samkeppniseftirlitið því þó yfir að Isavia væri skylt að halda gjaldtökunni áfram með breyttu verðlagi og tók áfrýjunarnefnd samkeppnismála undir það sjónarmið í úrskurði sínum síðasta haust. Í byrjun nóvember kynnti Isavia svo nýja gjaldskrá fyrir fjarstæðin sem gildir þar til deilan hefur endanlega verið leidd til lykta af hálfu eftirlitsins. Björn segir að í forsendum áðurnefnds útboðs frá 2017 hafi komið fram að gjaldtaka myndi hefjast á fjarstæðunum á sama tíma og nýir samningar vegna nærstæðanna tækju gildi. „Gray Line kærði gjaldtökuna til Samkeppniseftirlitsins sem tók svo bráðabirgðaákvörðun í júlí árið 2018 en Isavia túlkaði niðurstöðu eftirlitsins þannig að fyrirtækinu væri gjaldtakan óheimil. Isavia hætti því gjaldtökunni á fjarstæðunum í júlí og alveg fram í nóvember. Við höfum síðan upplýsingar um að fyrirtækið hafi ekki gengið á eftir því að fá greiðslur frá því í mars eða alveg frá því að nýja gjaldskráin tók gildi,“ nefnir Björn. Stjórnendur Kynnisferða hafi því talið eðlilegt að tekið yrði tillit til þessara atvika í samningum sínum við Isavia og greiðslur til ríkisfyrirtækisins yrðu lækkaðar. Forsvarsmenn rúturisans hafa bent á að ákvörðun Isavia um að stöðva gjaldtökuna hafi leitt til mismununar og röskunar á samkeppni gagnvart þeim rútufyrirtækjum sem unnu útboðið 2017 og fengu þannig aðgang að nærstæðunum. Ákvörðunin hafi gert það að verkum að þau fyrirtæki sem stundi fólksflutninga til og frá Keflavíkurflugvelli og nýti eingöngu fjarstæðin hafi ekki þurft að greiða gjald á meðan bráðabirgðaákvörðunin hafi verið í gildi en á sama tíma hafi þau fyrirtæki sem nýti nærstæðin, Kynnisferðir og Hópbílar, þurft að greiða Isavia í samræmi við útboðsskilmálana. „Við teljum að við hefðum átt að fá einhverja umbun eins og önnur fyrirtæki sem voru klárlega í samkeppni við okkur um þessi fjarstæði,“ segir Björn. „Isavia hefur ekki viljað taka tillit til þess og fara í viðræður við okkur um lækkun á greiðslunum fyrir þetta tímabil og því brugðum við á það ráð að stefna fyrirtækinu og láta þá dómstóla skera úr um það.“
Birtist í Fréttablaðinu Dómsmál Keflavíkurflugvöllur Mest lesið Stjórnarandstaðan í vasa hagsmunaaðila Viðskipti innlent Jakob Valgeir lét Guðbjart bróður sinn fara Viðskipti innlent „Ég held að þú þurfir ný gleraugu“ Viðskipti innlent Ráðinn markaðsstjóri Bónuss Viðskipti innlent Aka um Ísland í allt sumar og mynda vegakerfið í þrívídd Viðskipti innlent Af og frá að slakað sé á aðhaldi Viðskipti innlent Ráðuneytið ógilti lóðaúthlutun fyrir milljarða Viðskipti innlent Bein útsending: Rökstyðja ákvörðun sína um lækkun vaxta Viðskipti innlent Gefast upp á miðbænum: „Það er hringur eftir hring, engin bílastæði“ Viðskipti innlent Of snemmt að segja til um hvort vaxtalækkunarferlinu sé lokið í bili Viðskipti innlent Fleiri fréttir Stjórnarandstaðan í vasa hagsmunaaðila Af og frá að slakað sé á aðhaldi Ráðinn markaðsstjóri Bónuss Aka um Ísland í allt sumar og mynda vegakerfið í þrívídd Of snemmt að segja til um hvort vaxtalækkunarferlinu sé lokið í bili „Ég held að þú þurfir ný gleraugu“ Úthluta eftirstandandi hlutum í Íslandsbanka Bein útsending: Rökstyðja ákvörðun sína um lækkun vaxta Reitir fasteignafélag og HR efna til hugmyndasamkeppni fyrir nemendur Vaxtalækkunarferlið heldur áfram Birta nýja ákvörðun um stýrivexti í dag Ráðuneytið ógilti lóðaúthlutun fyrir milljarða Tólf milljarða hagnaður á fyrsta ársfjórðungi Jakob Valgeir lét Guðbjart bróður sinn fara Niðurstöður álagningar birtar á fimmtudag Gefast upp á miðbænum: „Það er hringur eftir hring, engin bílastæði“ Rökrétt að lækka lyfjaverð í Bandaríkjunum Rapyd sé íslenskt fyrirtæki með kennitölu frá 1983 Þurfi að líta ofar í tekjustigann í næstu kjarasamningum Hefja viðskipti með bréf í Alvotech í Stokkhólmi Óttast að háir vextir sogi sparnaðinn til Tenerife Ráku framkvæmdastjórann og komust svo að rafmyntagreftrinum Tilefni fyrir ríkið að íhuga sölu Landsbankans Himinlifandi og ekki hugsi yfir litlum hlut fagfjárfesta Heinemann svarar Sameyki: „Þetta er rangt“ Gömlu höfuðstöðvar Icelandair verða hjúkrunarheimili Ríflega þrjátíu þúsund einstaklingar kaupa hlut ríkisins „Þetta er framar okkar björtustu vonum“ Heildarvirði tæpur 91 milljarður og líkur á að nær allir hlutir fari til almennings Líklega stærsta eignasala ríkissjóðs frá upphafi Sjá meira