Sól­rún Diego gæsuð á sól­ríkum degi

Gæsun Sólrúnar Diego, áhrifavalds, fer nú fram en vinkonur hennar vöktu hana í morgun og hafa þær vinkonur skemmt sér gríðarlega vel það sem af er degi, ef marka má sögur Sólrúnar og vinkvenna hennar á Instagram.

Þær stöllur tóku sig til og fóru með Sólrúnu á rallycross braut í Hafnarfirði, þar sem keyrt var með Sólrúnu í kappakstursbíl á vegum Crashhard99.

Sólrún er að sögn Valda og Vikars hjá Crashhard99 mjög bílhrædd en Sólrún skemmti sér hrikalega vel að sögn þeirra.

Hægt er að fylgjast með Crashhard99 á Instagram og SnapChat en reikningar þeirra á þeim miðlum er @Crashhard99.

Búast má við því að stöllurnar haldi áfram að skemmta sér það sem eftir er af deginum og hægt er að fylgjast með því á Instagram hjá Sólrúnu, en reikningur hennar er @solrundiego.