Bónusröddin þagnar Jakob Bjarnar skrifar 6. september 2019 09:00 Bjarni Dagur kveður Bónus eftir tæpa tvo áratugi. Hans þýða rödd mun ekki lengur segja okkur að Bónus bjóði betur. Bjarni Dagur Bónus býður ekki lengur betur. Eða öllu heldur: Bónus mun ekki bjóða betur lengur með sjálfri Bónus-röddinni, þessari einu sönnu sem svo margir þekkja án þess kannski að gera sér grein fyrir því. „Bónus, ekkert bruðl.“ Bjarni Dagur hefur verið Bónusröddin nú í hartnær tuttugu ár. Og sem slíkur hluti hljóðmyndar hversdagsins sem Íslendingum er töm. Þessa rödd í því samhengi þekkir hvert mannsbarn, án þess þó að leiða hugann að því sérstaklega.Einhver nýr markaðsmaður sem vill breyta „Já, það virðist vera kominn einhver nýr markaðsmaður til starfa og vill breyta,“ segir Bjarni Dagur í samtali við Vísi. Hann hefur sínar efasemdir um hversu mikið gagn það má gera að breyta til að breyta. Og spyr hvort Toyota myndi láta sér til hugar koma að láta Egil Ólafsson hætta að lesa skilaboð frá því fyrirtæki? Nei. Eða Hinrik bróður Egils sem les fyrir Íslenskt grænmeti: „Þú veist hvaðan það kemur.“ Bjarni hefur starfað lengi í auglýsingabransanum. „Og þar hittir maður reglulega fyrir fólk nýtt í markaðsfræðum sem telur sig vera að finna upp hjólið. Skiptum um rödd! Frískum þetta upp. Fáum einhver annan til að lesa.“ En, kjúklingur er kjúklingur og fólk þarf að vita kílóverðið. Það breytist ekki. Og, Bónus býýýður betur.Bónusröddin er þögnuð og óvíst hvað tekur við Tíminn líður. Bjarni Dagur er orðinn 69 ára gamall og því orðinn ellilífeyrisþegi. Bjarni er búsettur á Selfossi en hefur fengið aðstöðu hjá Útvarpi Suðurlands til að taka upp auglýsingar fyrir Bónus með reglubundnum hætti. Bjarni segir lífeyrinn þannig að samningurinn við Bónus skiptir hann verulegu máli. En, sá samningur rennur út í þessum mánuði og Bónusröddin er þögnuð. Hvað og hvort eitthvað taki við hjá Bjarna liggur ekki fyrir. Hann hefur látið auglýsingamenn vita af sér en ekkert hefur komið út úr því. Ekki enn. Klippa: Bjarni Dagur Bónusrödd Bjarni hóf sinn feril sem markaðs- og auglýsingamaður fyrir margt löngu en var á tímabili auk þess vinsæll útvarpsmaður. Hann starfaði á Bylgjunni og varð ekki síst þekktur fyrir þætti um kántrí-tónlist þar og einnig á Rás 2.Hitti Jóhannes í heita pottinum En, hvernig kom það til að Bjarni gerðist sjálf Bónus-röddin? Bjarni segir að Jóhannesi heitnum í Bónus hafi verið það einkar lagið að koma sér í viðtal í hinum ýmsu útvarpsþáttum, hjá sér og öðrum. Enda oft með eitt og annað nýtt á prjónum á sviði matvöruverslunar. Þeir hafi því verið málkunnugir. Svo var það fyrir um 17 árum þegar þeir hittust í heita pottinum í sundlauginni á Nesinu. Bjarni spurði Jóhannes af hverju hann væri ekki með auglýsingar í útvarpinu? Jóhannes sagðist auglýsa eitthvað þar en Bjarni sagði lesnar auglýsingar ekki það sama og útvarpsauglýsingar. Það sem Jóhannes þyrfti væri rödd, sem segði fólki að fara í Bónus. Því þar væri heill kjúklingur á 759 krónur kílóið. Epli og appelsínur.Bónusröddin fæðist Jóhannesi þótti þetta athyglisvert og það varð að ráði að Bjarni fór heim til sín, þar sem hann var með upptökugræjur, samdi útvarpsauglýsingu, prufu við tónlist sem hann fann á netinu og sendi Jóhannesi. „Hann hringdi í mig og sagði mér að hann væri búinn að leyfa Jóni Ásgeiri að heyra þetta og honum þætti þetta bráðsniðugt.“Jóhannes Jónsson sem jafnan var kenndur við Bónus var frumkvöðull á sviði matvöruverslunar á Íslandi. Bjarni hitti hann í heita pottinum og Jóhannes samþykkti að láta á hugmynd Bjarna reyna.visir/vilhelmOg það varð úr, tengingum kastað. Bjarni segir að enginn í matvöruverslun hafi verið að auglýsa með þessum hætti á þeim tíma en Bjarni útbjó stúdíó í kjallaranum heima hjá sér og fór að búa til auglýsingar. „Íííííí Bónus. Þetta var regla sem ég hafði lesið um að virkaði. Að leggja áherslu á „í“. Og verðið selur, þeir feðgar voru mér sammála í því.“ Lengi sat Bónus eitt að þessari aðferð, það er að tala beint til viðskiptavina í útvarpi en seinna komu aðrar matvöruverslanir inn með svipuðum hætti. Bjarni segir þetta langan tíma og margs sé að minnast. Þetta hafi vissulega verið álag að gera reglulegar auglýsingar og skila fullunnum.Guðmundur segir farsælu samstarfi lokið og ljóst að hann á eftir að sakna Bjarna enda hefur hann ótrúlega ljúfa rödd.fbl/stefánKvenrödd tekur við af Bjarna Bjarni vill ekki gera of mikið úr því að þetta sé ríkur hluti af sjálfsmynd hans, þá það að vera sjálf Bónus-röddin. Hann kann þó að segja skemmtilegar sögur af því þegar fólk sem heyrir í honum kannast við hann en kemur honum ekki alveg fyrir sig. Nema, stundum og þá er gaman. „Ert þú Bónusröddin?“ spyr það þá í forundran. Vísir hringdi í Guðmund Marteinsson framkvæmdastjóra Bónuss og spurði hvort þetta væri tilfellið, að Bjarni væri að hætta og hann sagði svo vera. En, það væri nú meira og minna á könnu markaðsstjórans. „Þetta eru eðlilegar breytingar,“ segir Guðmundur og missir það út úr sér að það verði kvenrödd sem taki við af Bjarna. En vill ekki fara nánar út í þá sálma að kynna nýja Bónusrödd til sögunnar hér og nú. En, það er ljóst að Guðmundur sjálfur á eftir að sakna Bjarna. „Þetta hefur verið gott og farsælt samstarf. Hann hefur rosalega fína og ljúfa rödd kallinn, það er ekki nokkur spurning. Hann er skemmtilegur og mikill húmoristi. En, allt tekur enda. Yngra fólk kemur og tekur við, þetta er bara partur af því. Svo sjáum við hvernig það kemur út.“ Auglýsinga- og markaðsmál Neytendur Tímamót Vistaskipti Mest lesið Stjórnarandstaðan í vasa hagsmunaaðila Viðskipti innlent Jakob Valgeir lét Guðbjart bróður sinn fara Viðskipti innlent „Ég held að þú þurfir ný gleraugu“ Viðskipti innlent Ráðinn markaðsstjóri Bónuss Viðskipti innlent Aka um Ísland í allt sumar og mynda vegakerfið í þrívídd Viðskipti innlent Af og frá að slakað sé á aðhaldi Viðskipti innlent Ráðuneytið ógilti lóðaúthlutun fyrir milljarða Viðskipti innlent Bein útsending: Rökstyðja ákvörðun sína um lækkun vaxta Viðskipti innlent Gefast upp á miðbænum: „Það er hringur eftir hring, engin bílastæði“ Viðskipti innlent Of snemmt að segja til um hvort vaxtalækkunarferlinu sé lokið í bili Viðskipti innlent Fleiri fréttir Stjórnarandstaðan í vasa hagsmunaaðila Af og frá að slakað sé á aðhaldi Ráðinn markaðsstjóri Bónuss Aka um Ísland í allt sumar og mynda vegakerfið í þrívídd Of snemmt að segja til um hvort vaxtalækkunarferlinu sé lokið í bili „Ég held að þú þurfir ný gleraugu“ Úthluta eftirstandandi hlutum í Íslandsbanka Bein útsending: Rökstyðja ákvörðun sína um lækkun vaxta Reitir fasteignafélag og HR efna til hugmyndasamkeppni fyrir nemendur Vaxtalækkunarferlið heldur áfram Birta nýja ákvörðun um stýrivexti í dag Ráðuneytið ógilti lóðaúthlutun fyrir milljarða Tólf milljarða hagnaður á fyrsta ársfjórðungi Jakob Valgeir lét Guðbjart bróður sinn fara Niðurstöður álagningar birtar á fimmtudag Gefast upp á miðbænum: „Það er hringur eftir hring, engin bílastæði“ Rökrétt að lækka lyfjaverð í Bandaríkjunum Rapyd sé íslenskt fyrirtæki með kennitölu frá 1983 Þurfi að líta ofar í tekjustigann í næstu kjarasamningum Hefja viðskipti með bréf í Alvotech í Stokkhólmi Óttast að háir vextir sogi sparnaðinn til Tenerife Ráku framkvæmdastjórann og komust svo að rafmyntagreftrinum Tilefni fyrir ríkið að íhuga sölu Landsbankans Himinlifandi og ekki hugsi yfir litlum hlut fagfjárfesta Heinemann svarar Sameyki: „Þetta er rangt“ Gömlu höfuðstöðvar Icelandair verða hjúkrunarheimili Ríflega þrjátíu þúsund einstaklingar kaupa hlut ríkisins „Þetta er framar okkar björtustu vonum“ Heildarvirði tæpur 91 milljarður og líkur á að nær allir hlutir fari til almennings Líklega stærsta eignasala ríkissjóðs frá upphafi Sjá meira
Bónus býður ekki lengur betur. Eða öllu heldur: Bónus mun ekki bjóða betur lengur með sjálfri Bónus-röddinni, þessari einu sönnu sem svo margir þekkja án þess kannski að gera sér grein fyrir því. „Bónus, ekkert bruðl.“ Bjarni Dagur hefur verið Bónusröddin nú í hartnær tuttugu ár. Og sem slíkur hluti hljóðmyndar hversdagsins sem Íslendingum er töm. Þessa rödd í því samhengi þekkir hvert mannsbarn, án þess þó að leiða hugann að því sérstaklega.Einhver nýr markaðsmaður sem vill breyta „Já, það virðist vera kominn einhver nýr markaðsmaður til starfa og vill breyta,“ segir Bjarni Dagur í samtali við Vísi. Hann hefur sínar efasemdir um hversu mikið gagn það má gera að breyta til að breyta. Og spyr hvort Toyota myndi láta sér til hugar koma að láta Egil Ólafsson hætta að lesa skilaboð frá því fyrirtæki? Nei. Eða Hinrik bróður Egils sem les fyrir Íslenskt grænmeti: „Þú veist hvaðan það kemur.“ Bjarni hefur starfað lengi í auglýsingabransanum. „Og þar hittir maður reglulega fyrir fólk nýtt í markaðsfræðum sem telur sig vera að finna upp hjólið. Skiptum um rödd! Frískum þetta upp. Fáum einhver annan til að lesa.“ En, kjúklingur er kjúklingur og fólk þarf að vita kílóverðið. Það breytist ekki. Og, Bónus býýýður betur.Bónusröddin er þögnuð og óvíst hvað tekur við Tíminn líður. Bjarni Dagur er orðinn 69 ára gamall og því orðinn ellilífeyrisþegi. Bjarni er búsettur á Selfossi en hefur fengið aðstöðu hjá Útvarpi Suðurlands til að taka upp auglýsingar fyrir Bónus með reglubundnum hætti. Bjarni segir lífeyrinn þannig að samningurinn við Bónus skiptir hann verulegu máli. En, sá samningur rennur út í þessum mánuði og Bónusröddin er þögnuð. Hvað og hvort eitthvað taki við hjá Bjarna liggur ekki fyrir. Hann hefur látið auglýsingamenn vita af sér en ekkert hefur komið út úr því. Ekki enn. Klippa: Bjarni Dagur Bónusrödd Bjarni hóf sinn feril sem markaðs- og auglýsingamaður fyrir margt löngu en var á tímabili auk þess vinsæll útvarpsmaður. Hann starfaði á Bylgjunni og varð ekki síst þekktur fyrir þætti um kántrí-tónlist þar og einnig á Rás 2.Hitti Jóhannes í heita pottinum En, hvernig kom það til að Bjarni gerðist sjálf Bónus-röddin? Bjarni segir að Jóhannesi heitnum í Bónus hafi verið það einkar lagið að koma sér í viðtal í hinum ýmsu útvarpsþáttum, hjá sér og öðrum. Enda oft með eitt og annað nýtt á prjónum á sviði matvöruverslunar. Þeir hafi því verið málkunnugir. Svo var það fyrir um 17 árum þegar þeir hittust í heita pottinum í sundlauginni á Nesinu. Bjarni spurði Jóhannes af hverju hann væri ekki með auglýsingar í útvarpinu? Jóhannes sagðist auglýsa eitthvað þar en Bjarni sagði lesnar auglýsingar ekki það sama og útvarpsauglýsingar. Það sem Jóhannes þyrfti væri rödd, sem segði fólki að fara í Bónus. Því þar væri heill kjúklingur á 759 krónur kílóið. Epli og appelsínur.Bónusröddin fæðist Jóhannesi þótti þetta athyglisvert og það varð að ráði að Bjarni fór heim til sín, þar sem hann var með upptökugræjur, samdi útvarpsauglýsingu, prufu við tónlist sem hann fann á netinu og sendi Jóhannesi. „Hann hringdi í mig og sagði mér að hann væri búinn að leyfa Jóni Ásgeiri að heyra þetta og honum þætti þetta bráðsniðugt.“Jóhannes Jónsson sem jafnan var kenndur við Bónus var frumkvöðull á sviði matvöruverslunar á Íslandi. Bjarni hitti hann í heita pottinum og Jóhannes samþykkti að láta á hugmynd Bjarna reyna.visir/vilhelmOg það varð úr, tengingum kastað. Bjarni segir að enginn í matvöruverslun hafi verið að auglýsa með þessum hætti á þeim tíma en Bjarni útbjó stúdíó í kjallaranum heima hjá sér og fór að búa til auglýsingar. „Íííííí Bónus. Þetta var regla sem ég hafði lesið um að virkaði. Að leggja áherslu á „í“. Og verðið selur, þeir feðgar voru mér sammála í því.“ Lengi sat Bónus eitt að þessari aðferð, það er að tala beint til viðskiptavina í útvarpi en seinna komu aðrar matvöruverslanir inn með svipuðum hætti. Bjarni segir þetta langan tíma og margs sé að minnast. Þetta hafi vissulega verið álag að gera reglulegar auglýsingar og skila fullunnum.Guðmundur segir farsælu samstarfi lokið og ljóst að hann á eftir að sakna Bjarna enda hefur hann ótrúlega ljúfa rödd.fbl/stefánKvenrödd tekur við af Bjarna Bjarni vill ekki gera of mikið úr því að þetta sé ríkur hluti af sjálfsmynd hans, þá það að vera sjálf Bónus-röddin. Hann kann þó að segja skemmtilegar sögur af því þegar fólk sem heyrir í honum kannast við hann en kemur honum ekki alveg fyrir sig. Nema, stundum og þá er gaman. „Ert þú Bónusröddin?“ spyr það þá í forundran. Vísir hringdi í Guðmund Marteinsson framkvæmdastjóra Bónuss og spurði hvort þetta væri tilfellið, að Bjarni væri að hætta og hann sagði svo vera. En, það væri nú meira og minna á könnu markaðsstjórans. „Þetta eru eðlilegar breytingar,“ segir Guðmundur og missir það út úr sér að það verði kvenrödd sem taki við af Bjarna. En vill ekki fara nánar út í þá sálma að kynna nýja Bónusrödd til sögunnar hér og nú. En, það er ljóst að Guðmundur sjálfur á eftir að sakna Bjarna. „Þetta hefur verið gott og farsælt samstarf. Hann hefur rosalega fína og ljúfa rödd kallinn, það er ekki nokkur spurning. Hann er skemmtilegur og mikill húmoristi. En, allt tekur enda. Yngra fólk kemur og tekur við, þetta er bara partur af því. Svo sjáum við hvernig það kemur út.“
Auglýsinga- og markaðsmál Neytendur Tímamót Vistaskipti Mest lesið Stjórnarandstaðan í vasa hagsmunaaðila Viðskipti innlent Jakob Valgeir lét Guðbjart bróður sinn fara Viðskipti innlent „Ég held að þú þurfir ný gleraugu“ Viðskipti innlent Ráðinn markaðsstjóri Bónuss Viðskipti innlent Aka um Ísland í allt sumar og mynda vegakerfið í þrívídd Viðskipti innlent Af og frá að slakað sé á aðhaldi Viðskipti innlent Ráðuneytið ógilti lóðaúthlutun fyrir milljarða Viðskipti innlent Bein útsending: Rökstyðja ákvörðun sína um lækkun vaxta Viðskipti innlent Gefast upp á miðbænum: „Það er hringur eftir hring, engin bílastæði“ Viðskipti innlent Of snemmt að segja til um hvort vaxtalækkunarferlinu sé lokið í bili Viðskipti innlent Fleiri fréttir Stjórnarandstaðan í vasa hagsmunaaðila Af og frá að slakað sé á aðhaldi Ráðinn markaðsstjóri Bónuss Aka um Ísland í allt sumar og mynda vegakerfið í þrívídd Of snemmt að segja til um hvort vaxtalækkunarferlinu sé lokið í bili „Ég held að þú þurfir ný gleraugu“ Úthluta eftirstandandi hlutum í Íslandsbanka Bein útsending: Rökstyðja ákvörðun sína um lækkun vaxta Reitir fasteignafélag og HR efna til hugmyndasamkeppni fyrir nemendur Vaxtalækkunarferlið heldur áfram Birta nýja ákvörðun um stýrivexti í dag Ráðuneytið ógilti lóðaúthlutun fyrir milljarða Tólf milljarða hagnaður á fyrsta ársfjórðungi Jakob Valgeir lét Guðbjart bróður sinn fara Niðurstöður álagningar birtar á fimmtudag Gefast upp á miðbænum: „Það er hringur eftir hring, engin bílastæði“ Rökrétt að lækka lyfjaverð í Bandaríkjunum Rapyd sé íslenskt fyrirtæki með kennitölu frá 1983 Þurfi að líta ofar í tekjustigann í næstu kjarasamningum Hefja viðskipti með bréf í Alvotech í Stokkhólmi Óttast að háir vextir sogi sparnaðinn til Tenerife Ráku framkvæmdastjórann og komust svo að rafmyntagreftrinum Tilefni fyrir ríkið að íhuga sölu Landsbankans Himinlifandi og ekki hugsi yfir litlum hlut fagfjárfesta Heinemann svarar Sameyki: „Þetta er rangt“ Gömlu höfuðstöðvar Icelandair verða hjúkrunarheimili Ríflega þrjátíu þúsund einstaklingar kaupa hlut ríkisins „Þetta er framar okkar björtustu vonum“ Heildarvirði tæpur 91 milljarður og líkur á að nær allir hlutir fari til almennings Líklega stærsta eignasala ríkissjóðs frá upphafi Sjá meira