Beckham búinn að finna þjálfara

David Beckham er búinn að finna mann til að þjálfa liðið sitt, Inter Miami.

Sá heitir Diego Alonso. Ekki þekktasta nafnið í bransanum en hann vakti athygli fyrir að stýra Pachuca og Monterrey til sigurs í Meistaradeild Norður- og Mið-Ameríku.

Þekktir þjálfarar á borð við Carlo Ancelotti og David Moyes voru orðaðir við Inter Miami.

Ancelotti er hins vegar tekinn við Everton og líklegt þykir að Moyes verði næsti stjóri West Ham United.

Inter Miami hefur leik í MLS-deildinni í Bandaríkjunum á næsta tímabili.