Apple óttast að grunaðir þjófar flýi til Kína Samúel Karl Ólason skrifar 10. desember 2019 10:30 Báðir mennirnir hafa lýst yfir sakleysi sínu. Þeir hafa gengið lausir gegn tryggingu en hafa þó verið undir eftirliti. Vísir/Getty Lögmenn Apple segja forsvarsmenn fyrirtækisins óttast að tveir fyrrverandi starfsmenn fyrirtækisins frá Kína, sem sakaðir eru um að stela iðnaðarleyndarmálum, flýi til Kína verði þeir ekki áfram undir eftirliti. Þeim Xiaolang Zhang og Jizhong Chen er báðum gert að hafa stolið iðnaðarleyndarmálum Apple og reynt að koma þeim til Kína. Zhang vann við leynilegt verkefni Apple sem tengist sjálfkeyrandi bílum. Hann tók skrár úr tölvukerfi fyrirtækisins og tilkynnti að hann væri að hætta og ætlaði sér að hefja vinnu hjá kínversku fyrirtæki sem vinnur einnig að sjálfkeyrandi bílum. Hann var handtekinn á flugvelli í fyrra þar sem hann var á leið um borð í flugvél til Kína. Þá fannst tölva á heimili hans sem innihélt iðnaðarleyndarmál fyrirtækisins Marvell Technology Group, sem Zhang vann hjá áður en hann hóf vinnu hjá Apple. Chen tók rúmlega tvö þúsund skrár sem tengjast innri tölvukerfum Apple. Hann var handtekinn í janúar og var hann sömuleiðis á leið til Kína. Á heimili hans fundust einnig skjöl frá fyrirtækjum sem hann hafði áður starfað hjá. Þar á meðal eru fyrirtækin General Electric Co og Raytheon Co. Eitt skjal frá Rayheon var leynilegt og sneri að vinnu fyrirtækisins við eldflaugavarnir Bandaríkjanna. Báðir mennirnir hafa lýst yfir sakleysi sínu, samkvæmt frétt Reuters. Þeir hafa gengið lausir gegn tryggingu en hafa þó verið undir eftirliti.Lögmaður mannanna segir þá eiga fjölskyldur í Kína og þeir hafi því ástæður til að ferðast þangað. Þeir hafi hvorugur sýnt ummerki þess að ætla að koma sér undan réttvísinni. Saksóknarar segja hins vegar að fari þeir til Kína verði ómögulegt að rétta yfir þeim og mögulega dæma þá. Yfirvöld Bandaríkjanna hafa ítrekað sakað Kínverja um stuld á hernaðar- og iðnaðarleyndarmálum og hefur sá þjófnaður verið til umræðu í viðskiptaviðræðum ríkjanna. Dómsmálaráðuneyti Bandaríkjanna varaði bandarísk fyrirtæki við því í september að eiga í viðskiptum við kínversk fyrirtæki.Frá 2012 hafa rúmlega 80 prósent allra mála sem snúa að stuldi iðnaðarleyndarmála í Bandaríkjunum beinst gegn kínverskum aðilum. Apple Bandaríkin Kína Mest lesið Há laun og dýr bjór séu vandamál ÁTVR Viðskipti innlent „Svo hefst kapphlaupið í það hver er fyrstur að ná sturtunni!“ Atvinnulíf Dagar Workplace eru taldir Viðskipti erlent Rauf sátt vegna Max-málsins og gæti átt yfir höfði sér refsimál Viðskipti erlent Fyrirtæki hvött til að halda upp á daginn í dag og gera sér dagamun Atvinnulíf Fóru í fyrsta flugið milli Calgary og Keflavíkurflugvallar Viðskipti innlent Hnífjöfn atkvæðagreiðsla sem gæti endað fyrir dómi Viðskipti innlent Segir að Play sé og verði áfram með höfuðstöðvar á Íslandi Viðskipti innlent Segir arðgreiðslur ÁTVR hafa lækkað um 400 milljónir vegna netsölu Viðskipti innlent Fyrsta flugi Icelandair til Pittsburgh fagnað Viðskipti Fleiri fréttir Dagar Workplace eru taldir Rauf sátt vegna Max-málsins og gæti átt yfir höfði sér refsimál Apple biðst afsökunar á auglýsingu fyrir nýjan iPad Rannsaka hvort Tesla hafi blekkt neytendur og fjárfesta Taka bóluefni AstraZeneca úr sölu vegna dvínandi eftirspurnar Tekjur Apple drógust saman enn eina ferðina Stofnandi Binance dæmdur fyrir peningaþvætti Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Sjá meira
Lögmenn Apple segja forsvarsmenn fyrirtækisins óttast að tveir fyrrverandi starfsmenn fyrirtækisins frá Kína, sem sakaðir eru um að stela iðnaðarleyndarmálum, flýi til Kína verði þeir ekki áfram undir eftirliti. Þeim Xiaolang Zhang og Jizhong Chen er báðum gert að hafa stolið iðnaðarleyndarmálum Apple og reynt að koma þeim til Kína. Zhang vann við leynilegt verkefni Apple sem tengist sjálfkeyrandi bílum. Hann tók skrár úr tölvukerfi fyrirtækisins og tilkynnti að hann væri að hætta og ætlaði sér að hefja vinnu hjá kínversku fyrirtæki sem vinnur einnig að sjálfkeyrandi bílum. Hann var handtekinn á flugvelli í fyrra þar sem hann var á leið um borð í flugvél til Kína. Þá fannst tölva á heimili hans sem innihélt iðnaðarleyndarmál fyrirtækisins Marvell Technology Group, sem Zhang vann hjá áður en hann hóf vinnu hjá Apple. Chen tók rúmlega tvö þúsund skrár sem tengjast innri tölvukerfum Apple. Hann var handtekinn í janúar og var hann sömuleiðis á leið til Kína. Á heimili hans fundust einnig skjöl frá fyrirtækjum sem hann hafði áður starfað hjá. Þar á meðal eru fyrirtækin General Electric Co og Raytheon Co. Eitt skjal frá Rayheon var leynilegt og sneri að vinnu fyrirtækisins við eldflaugavarnir Bandaríkjanna. Báðir mennirnir hafa lýst yfir sakleysi sínu, samkvæmt frétt Reuters. Þeir hafa gengið lausir gegn tryggingu en hafa þó verið undir eftirliti.Lögmaður mannanna segir þá eiga fjölskyldur í Kína og þeir hafi því ástæður til að ferðast þangað. Þeir hafi hvorugur sýnt ummerki þess að ætla að koma sér undan réttvísinni. Saksóknarar segja hins vegar að fari þeir til Kína verði ómögulegt að rétta yfir þeim og mögulega dæma þá. Yfirvöld Bandaríkjanna hafa ítrekað sakað Kínverja um stuld á hernaðar- og iðnaðarleyndarmálum og hefur sá þjófnaður verið til umræðu í viðskiptaviðræðum ríkjanna. Dómsmálaráðuneyti Bandaríkjanna varaði bandarísk fyrirtæki við því í september að eiga í viðskiptum við kínversk fyrirtæki.Frá 2012 hafa rúmlega 80 prósent allra mála sem snúa að stuldi iðnaðarleyndarmála í Bandaríkjunum beinst gegn kínverskum aðilum.
Apple Bandaríkin Kína Mest lesið Há laun og dýr bjór séu vandamál ÁTVR Viðskipti innlent „Svo hefst kapphlaupið í það hver er fyrstur að ná sturtunni!“ Atvinnulíf Dagar Workplace eru taldir Viðskipti erlent Rauf sátt vegna Max-málsins og gæti átt yfir höfði sér refsimál Viðskipti erlent Fyrirtæki hvött til að halda upp á daginn í dag og gera sér dagamun Atvinnulíf Fóru í fyrsta flugið milli Calgary og Keflavíkurflugvallar Viðskipti innlent Hnífjöfn atkvæðagreiðsla sem gæti endað fyrir dómi Viðskipti innlent Segir að Play sé og verði áfram með höfuðstöðvar á Íslandi Viðskipti innlent Segir arðgreiðslur ÁTVR hafa lækkað um 400 milljónir vegna netsölu Viðskipti innlent Fyrsta flugi Icelandair til Pittsburgh fagnað Viðskipti Fleiri fréttir Dagar Workplace eru taldir Rauf sátt vegna Max-málsins og gæti átt yfir höfði sér refsimál Apple biðst afsökunar á auglýsingu fyrir nýjan iPad Rannsaka hvort Tesla hafi blekkt neytendur og fjárfesta Taka bóluefni AstraZeneca úr sölu vegna dvínandi eftirspurnar Tekjur Apple drógust saman enn eina ferðina Stofnandi Binance dæmdur fyrir peningaþvætti Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Sjá meira