Veiði

Opið hús hjá SVFR 6. desember

Karl Lúðvíksson skrifar

Nú er komið að fyrsta opna húsi vetrarins hjá SVFR sem er í samstarfi við Flugubúlluna en þessi kvöld hafa verið hluti af vetrarstarfi SVFR í áratugi.

Það sem veiðimenn gera á veturna er að tala um veiði og Opnu húsin hjá SVFR hafa verið skemmtilegur vettvangur til þess. Dagskráin verður sérlega glæsileg þetta kvöldið nánar tiltekið föstudaginn 6. desember. Húsið opnar kl. 19.00 og 80 fyrstu gestir kvöldins fá hamborgara í tilefni 80 ára afmælis félagsins. Dagskráin byrjar svo um kl. 20.00 á afmælisorðum frá fulltrúa stjórnar SVFR sem einnig fjallar um veiðisvæði félagsins, Guðni Guðbergsson kemur og ræðir um veiðisumarið og hvers er að vænta næsta sumar, Ási Helga og Sigurður Héðinn "Haugurinn" kynna bók sína og verða með hana á góðu verði fyrir gesti, myndagetraun og síðast en ekki síst stútfullur happahylur sem inniheldur m.a. veiðileyfi, veiðivörur, veiði- og matreiðslubækur.

Veiðikortið o.m.fl. Flugubúllan verður á staðnum og kynnir vörur sínar. Heildarverðmæti vinninga sennilega sjaldan verið hærra. Ef þú vilt upplifa skemmtilegt kvöld og eiga möguleika á flottum vinningum, láttu þig þá ekki vanta. Þess ber að geta að staðsetning er við Síðumúla 1 í sal Garðyrkjufélags Íslands, (gengið inn frá Ármúla) en ekki við Rafstöðvarveg eins og stundum. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.