Viðskipti innlent

Kaupir nýtt skip sem mun sigla til Þor­láks­hafnar

Atli Ísleifsson skrifar
Skipið er 138 metra langt, 23 metra breitt, 10.000 tonn og tekur 100 vöruflutningavagna í hverri ferð.
Skipið er 138 metra langt, 23 metra breitt, 10.000 tonn og tekur 100 vöruflutningavagna í hverri ferð. Smyril Line

Skipafélagið Smyril Line hefur fest kaup á nýrri vöruflutningaferju sem mun hefja áætlunarsiglingar um miðjan janúar 2020 milli Þorlákshafnar og dönsku hafnarborgarinnar Hirtshals, með viðkomu í Færeyjum.

Nýja ferjan mun fá nafnið Akranes, er 10.000 tonn og getur tekið hundrað vöruflutningavagna í hverri ferð. Fyrir rekur Smyril Like vöruflutningaferjuna Mykines, sem siglir til Þorlákshafnar, og farþega- og vöruflutningaferjuna Norrænu sem siglir til Seyðisfjarðar.

Í tilkynningu frá skipafélaginu segir að með tilkomu nýju ferjunnar verði flutningstíminn fyrir innflutning frá Danmörku og Færeyjum til Íslands styttur töluvert og þá verði boðið upp á nýja útflutningsleið, til dæmis fyrir fisk, um Danmörku til Evrópu

Linda Björk Gunnlaugsdóttir, framkvæmdastjóri Smyril Line á Íslandi. Smyril Line

Haft er eftir Lindu Björk Gunnlaugsdóttur, framkvæmdastjóra Smyril Line á Íslandi að siglt verði vikulega frá miðjum janúar 2020 milli Þorlákshafnar og Hirtshals á Jótlandi með viðkomu í Færeyjum.

„Farið verður frá Danmörku á föstudagseftirmiðdegi og komið til Íslands á mánudegi og er ég spennt að sjá hvernig þessari nýju inn- og útflutningsleið verður tekið, bæði fyrir fisk frá suðvesturhorninu í gegnum Danmörku til Evrópu og allskyns inn- og útflutning til og frá Skandinavíu og meginlandinu,“ segir Linda Björk.

Systurskip Mykines

Akranes bætist við fjögurra skipa flota Smyril Line þann 20. desember 2019. Hin skipin eru Norræna, Hvítanes, Eystnes og Mykines. Akranes er systurskip Mykines sem siglir milli Þorlákshafnar og Rotterdam í Hollandi.

Akranes, sem bar áður nafnið Bore Bank, var byggt árið 1998 í UMOE skipasmíðastöðinni í Noregi. Skipið er 138 metra langt, 23 metra breitt, 10.000 tonn og tekur 100 vöruflutningavagna í hverri ferð. Það var áður í eigu finnska skipafélagsins Bore, sem er hluti af Spliethoff samstæðunni og var þá í siglingum á Eystrasaltinu. Skipið verður skráð í Færeyjum og verða 24 í áhöfn.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
2,84
50
304.659
BRIM
0,9
4
13.951
REITIR
0,54
6
97.741
EIM
0,53
3
22.430
MAREL
0,49
15
329.308

Mesta lækkun dagsins


Félag
Br.%
Fjöldi
Velta*
ORIGO
-1,82
5
37.198
KVIKA
-1,49
6
94.217
ICESEA
-0,92
5
8.654
SYN
-0,91
3
26.200
HEIMA
-0,86
4
3.247
Velkomin á Vísi. Þessi vefur notar vafrakökur. Sjá nánar.