Veiði

Sporðaköst fengu grænt ljós frá Eric Clapton: „I love it“

Karl Lúðvíksson skrifar
Breski leikarinn James Murray sýnir Sturlu Birgissyni leiðsögumanni fluguna Old Sock, sem Clapton nefndi eftir David Bowie.
Breski leikarinn James Murray sýnir Sturlu Birgissyni leiðsögumanni fluguna Old Sock, sem Clapton nefndi eftir David Bowie. Stöð 2

Veiðimenn fagna líklega þeim fréttum að von sé á nýrri seríu af Sporðaköstum frá meistaranum sjálfum Eggerti Skúlasyni.

Þættirnir eru væntanlegir á dagskrá Stöðvar 2 í apríl eða í maí, það skýrist fljótlega eftir áramót og eins og Eggerti er von og vísa þá má gera ráð fyrir því að um skemmtilega þætti sé að ræða. Eggert sendi okkur smá klippu úr þáttunum sem má sjá hér fyrir neðan.

Þarna eru á ferðinni bresku leikararnir Robson Green og James Murray sem báðir er að góðir kunnir áhorfendum Stöðvar 2. En Robson fer með aðalhlutverk í hinum vinsælu glæpaþáttum Grantchester sem nú eru á dagskrá Stöðvar 2. Þeir voru gestir í Sporðaköstum í sumar, en Stöð 2 mun einmitt sýna þættina í vor sem kemur.

„Steingrímur Jón Þórðarson, kvikmyndtökumaður var að skella þessu saman og við höfum gaman af. Það var mikið stuð í sumar og þessir gaurar eru ótrúlega miklir fagmenn. Við sendum myndbrotið á Eric Clapton og báðum um leyfi fyrir að nota lagið. Hann skoðaði þetta og svaraði um hæl: „I love it“ og veitti þar með sitt leyfi. 

Flugan Old Sock er í raun skírð af David Bowie. Einhverju sinni þegar þeir félagar voru að skrifast á kallaði Bowie Clapton „Old sock“. Þaðan kemur nafnið," sagði Eggert í samtali við Veiðivísi. 

Nýja serían er með allt öðru sniði en verið hefur. Viðmælendur eru allir útlendingar sem eru vel þekktir ýmist sem listamenn eða veiðimenn. Eggert segir að þetta hafi verið krefjandi en ótrúlega skemmtilegt.

Ný sería af Sporðaköstum kemur á Stöð 2 í vor Eggert Skúlason


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.