Engin Norðurlandaþjóð hefur unnið Tyrki oftar en Ísland

Hvað er það við Íslendinga og Finna sem gerir það að verkum að Tyrkir eiga í meiri vandræðum gegn þeim en öðrum Norðurlandaþjóðum?

Það er ekki alveg á hreinu en það sem er á hreinu er að íslenska landsliðið hefur unnið Tyrki oftar en allar aðrar Norðurlandaþjóðir.

Sú hefð að vinna Tyrki oftar en flestar aðrar þjóðir hjálpar vonandi íslensku strákunum í leiknum mikilvæga á móti Tyrklandi á fimmtudagskvöldið en íslenska liðið verður að vinna leikinn til að eiga möguleika á að komast upp úr riðlinum.

Danir og Svíar myndu ekki einu sinni ná Íslandi í Tyrklandssigrum þótt þær fengju að leggja sína sigurleiki saman. 

Ísland hefur unnið 8 af 12 leikjum sínum á móti Tyrkjum, tveimur sigurleikjum oftar en Finnar og mun oftar en Noregur, Danmörk og Svíþjóð sem hafa unnið Tyrki þrisvar hver þjóð.

Íslenska landsliðið hefur unnið 67 prósent leikja sinna á móti Tyrkjum sem er 27 prósent hærra en næstbesta hlutfallið meðal Norðurlandaþjóða. Það má sjá tölur yfir sigurleiki Norðurlandaþjóða á móti Tyrkjum hér fyrir neðan.

Sigurleikir Norðurlandaþjóða á Tyrkjum hjá A-landsliðum karla í fótbolta:

8 - Ísland (12 leikur, 67%)

6 - Finnland (15 leikir, 40%)

3 - Noregur (9 leikir, 33%)

3 - Danmörk (10 leikir, 30%)

3 - Svíþjóð (12 leikir, 25%)

0 - Færeyjar (1 leikur, -)