Jól

Persónulegir jólapakkar

Elín Albertsdóttir skrifar
Fallegur og persónulegur pakki þar sem notaður er brúnn umbúðapappír sem jafnframt er endurvinnanlegur. Takið eftir greninu og kanilstöngum.
Fallegur og persónulegur pakki þar sem notaður er brúnn umbúðapappír sem jafnframt er endurvinnanlegur. Takið eftir greninu og kanilstöngum.

Í framhaldi af umræðu um loftslagsbreytingar er kannski kominn tími til að prófa að endurnýta eitt og annað. Hér eru nokkrar góðar hugmyndir.

Gott dæmi um umhverfisvæn jól er að búa til jóladagatal og hengja litlar gjafir á það sem allar gætu talist endurunnar. Það væri til dæmis hægt að fara á nytjamarkaði og finna eigulega smáhluti, fallegar jólaskeiðar, styttur eða annað.

Þá er um að gera að vera umhverfisvænn þegar jólagjöfum er pakkað inn. Ekki nota glanspappír heldur frekar umbúðapappír sem hægt er að endurvinna. Hægt er að binda fallega utan um hann með snæri eða garni. Þá er hægt að skreyta pakkann með greinum úr náttúrunni. Slík innpökkun gerir pakkana bæði fallega og umhverfisvæna. Síðan er lítið mál að teikna fallega jólaskreytta merkimiða.

Hér er fallega lagt á borð. Skreytingar úr náttúrunni og tauservíettur sem hægt er að nota aftur og aftur.

Íslendingar eyða miklum peningum í jólapappír fyrir hver jól. Margar milljónir metra af glansandi pappír enda síðan í ruslatunnunni. Glanspappírinn inniheldur litarefni sem gerir það að verkum að ekki er hægt að endur­vinna hann. Fáið heldur börnin til að teikna og lita á venjulegan hvítan pappír fallegar jólamyndir. Þetta er oft gert í leikskólum og kemur mjög vel út. Það er sömuleiðis hægt að nota stimpla með jólamyndum og skreyta pappírinn. Gamlir gjafakassar verða líka eins og nýir þegar þeir hafa verið málaðir og puntaðir.

Gjafabönd geta nýst aftur og aftur ef þau eru geymd á milli jóla.

Það er sniðugt að safna alls kyns könglum og greinum úr náttúrunni. sem hægt er að nýta í skreytingar.


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.