Fyrir þá sem hafa tíu þumalfingur

Skemmtileg glitrandi jólaumslög fást í Pennanum í nokkrum stærðum og eru sérstaklega hentug fyrir þá sem hafa ekki þann hæfileika að útbúa fallega jólapakka. Umslögin eru til í öllum stærðum og er einfalt að stinga gjöfinni inn og skella svo slaufu utan um þá. Þessi umslög eru einnig fín fyrir litlar gjafir sem oft er erfitt að pakka inn í venjulegan gjafapappír. Þar að auki er hægt að fá umslögin bólstruð að innan með kúluplasti, sem ver gjöfina fyrir hnjaski og minnkar líkurnar á að upp komist hvað er inni í pakkanum.