Viðskipti innlent

Jónsi setur kyrrsettu eignirnar á Spítalastíg á sölu

Stefán Ó. Jónsson skrifar
Átta skráðar íbúðir eru í húsunum og 12 útleigurými í notkun.
Átta skráðar íbúðir eru í húsunum og 12 útleigurými í notkun. Vísir/rakel

Jón Þór Birgisson, eða Jónsi í Sigur Rós, hefur auglýst tíu eignir sínar við Spítalastíg í miðborg Reykjavíkur til sölu. Núverandi heildarfasteignamat lóða og mannvirkja er rétt rúmar 300 milljónir króna, en á eignunum hvílir kyrrsetningargerð tollstjóra sem nemur 638 milljónum króna.

Eignirnar voru kyrrsettar af sýslumanninum á höfuðborgarsvæðinu í desember 2017 að kröfu tollstjóra vegna meintra skattalagabrota meðlima Sigur Rósar. Málinu var vísað frá Héraðsdómi Reykjavikur í byrjun síðasta mánaðar á grundvelli laga um tvöfalda refsingu. Málinu hefur verið vísað til Landsréttar og eru eignir liðsmanna Sigur Rósar áfram kyrrsettar þangað til dómstóllinn tekur málið fyrir. Það á jafnt við um fyrrnefndar eignir Jóns Þórs við Spítalastíg, sem og einbýlishús trommarans Orra Páls Dýrasonar í Skerjafirði sem einnig hefur verið sett á söluskrá.

Á fasteignavef Vísis er eignum Jónsa við Spítalastíg lýst sem „athyglisverðum fjárfestingarkosti í miðbænum.“ Eins og sakir standa séu 8 skráðar íbúðir í húsunum og 12 útleigurými í notkun; ýmist 2ja og 3ja herbergja í búðir auk stúdíóíbúða. Flestar íbúðirnar eru sagðar í góðu ástandi og að margt hafi verið endurnýjað. Ekkert verð er sett á eignirnar heldur er óskað eftir tilboðum.

Skeifan fasteignasala

Í fyrsta lagi er um að ræða þrjár íbúðir við Spítalastíg 4B en húsið var byggt árið 1903. Samanlagt fasteignamat íbúðanna þriggja er 106,9 milljónir króna.

Í öðru lagi er um að ræða fjórar íbúðir í húsi við Spítalastíg 6 sem byggt er árið 1904. Eru þær íbúðir metnar á samtals 133,7 milljónir króna.

Í þriðja lagi er svo um ræða lítið raðhús við Spítalastíg 4 sem byggt var árið 1946 og er metið á tæpar 29,5 milljónir króna.

Auk þessa íbúðarhúsnæðis við Spítalastíg eru eignirnar Spítalastígur 6A og Spítalastígur 4A í eigu Jónsa en í báðum tilfellum er um að ræða íbúðarlóðir, sú fyrri er 301 fermetri að stærð og sú síðari 325 fermetrar. Lóðin við Spítalastíg 6A er metin á rúmlega 13,5 milljónir króna og lóðin á Spítalastíg 4A metin á 16,6 milljónir króna.

Kyrrsetning eigna Jónsa nemur alls 638 milljónum króna og ná til ofantaldra fasteigna auk tveggja bifhjóla, tveggja bifreiða, sex bankareikninga og hlutafjár í þremur fyrirtækjum. Kyrrsetningin tekur jafnframt til þriggja annarra fasteigna; við Fischersund 3, Eyrarbrautar 19 í Árborg og helmingshlutar í Bergstaðastræti 22.

Samkvæmt upplýsingum frá fasteignasala er ein leið í söluferli sem þessu að lögmenn viðkomandi útfylla yfirlýsingu um leyfi til afléttingar kyrrsetningunni gegn greiðslu andvirðis, eins og um hefðbundið fjárnám væri að ræða. Í þessu tilfelli væri það greiðsla til tollstjóra sem myndi þá fara með vörslu þessa andvirðis þar til niðurstaða fæst í Landsrétti. Andvirði eignarinnar þyrfti að standa undir upphæð kyrrsetningarinnar.

Nánar má fræðast um eignirnar á Spítalastíg á fasteignavef Vísis. Fréttin var uppfærð með nánari upplýsingum um söluferlið.

SKEIFAN FASTEIGNASALA
SKEIFAN FASTEIGNASALA
SKEIFAN FASTEIGNASALA

Tengdar fréttir

Skattsvikamáli Sigur Rósar vísað frá dómi

Máli héraðssaksóknara á hendur fjórum liðsmönnum hljómsveitarinnar Sigur Rósar, tveimur núverandi og tveimur fyrrverandi, var vísað frá Héraðsdómi Reykjavíkur í morgun.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
EIM
2,64
22
261.354
ICEAIR
1,56
9
81.326
REGINN
1,4
16
446.712
EIK
1
14
287.832
LEQ
1
2
1.000

Mesta lækkun dagsins


Félag
Br.%
Fjöldi
Velta*
VIS
-3,16
10
134.290
SJOVA
-2,45
5
162.100
MAREL
-1,97
18
936.827
SIMINN
-1,66
6
156.170
FESTI
-1,5
6
255.290
Velkomin á Vísi. Þessi vefur notar vafrakökur. Sjá nánar.