Viðskipti erlent

Yfirmenn flugfélaga munu fljúga með MAX-vélunum til að sannfæra almenning

Tryggvi Páll Tryggvason skrifar
Boeing 737 MAX vélar Southwest hafa verið í biðstöðu í marga mánuði.
Boeing 737 MAX vélar Southwest hafa verið í biðstöðu í marga mánuði. Vísir/Getty

Yfirmenn hjá bandarísku flugfélögunum United Airlines, American Airlines og Southwest ráðgera að fljúga sjálfir með annars farþegalausum Boeing 737 MAX vélunum eftir að flugmálayfirvöld hafa aflétt flugbanni á vélunum. Er þetta hluti af áætlun sem flugfélögin vona að muni sannfæra almenning um að öruggt verði að stíga um borð í vélarnar á nýjan leik.

Þetta kemur fram í Wall Street Journal þar sem segir að talið sé að um mánuður muni líða frá því að flugmálayfirvöld gefi grænt ljós á að afnema flugbannið og þangað til flugfélög geti nýtt 737 MAX vélarnar í áætlunarflugi.

Í millitíðinni þurfi að sinna viðhaldi og þjálfa flugmenn sem fljúga eigi vélunum. Í frétt Wall Street Journal segir að flugfélögin þrjú hyggist einnig nota þennan mánuð til að að fljúga vélunum í fjölmargar ferðir þar sem vélarnar verði farþegalausar utan þess að um borð verði yfirmenn félaganna, fjölmiðlamenn og mögulega mikilvægir viðskiptavinir.

Tilgangurinn sé að sýna almenningi fram á það að öruggt sé að fljúga vélunum sem hafa verið í alþjóðlegu flugbanni frá því í mars vegna tveggja mannskæðra flugslysa.

„Það er mjög mikilvægt fyrir okkur að að viðskiptavinir okkar sjái flugvélina í loftinu á nýjan leik,“ segir Ross Feinstein, talsmaður American Airlines.

Boeing vonast til þess að stutt sé í það að flugmálayfirvöld í Bandaríkjunum gefi grænt ljós á þær breytingar sem flugvélaframleiðandinn hefur lagt til að ráðist verði í svo aflétta megi flugbanninu. Icelandair, eitt af flugfélögunum sem flugbannið hefur bitnar á, reiknar með að taka MAX-vélar sínar í notkun í fyrsta lagi í febrúar.


Tengdar fréttir

Samspil margra þátta leiddi til Lion Air slyssins

Rannsakendur í Indónesíu segja samspil margra þátta, eins og tæknilegra galla, mistök við viðhald og mistök flugmanna, hafa leitt til þess að Boeing 737 MAX flugvél Lion Air brotlenti skömmu eftir flugtak frá Jakarta í Indónesíu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
KVIKA
2,55
15
114.080
REGINN
1,72
20
295.203
SKEL
1,04
4
69.880
ICESEA
0,99
14
367.628
SJOVA
0,85
8
137.986

Mesta lækkun dagsins


Félag
Br.%
Fjöldi
Velta*
LEQ
-1,69
1
17.400
ICEAIR
-0,91
10
41.324
ORIGO
-0,8
5
16.128
VIS
-0,69
3
23.720
EIK
-0,69
11
341.177
Velkomin á Vísi. Þessi vefur notar vafrakökur. Sjá nánar.