Sport

Rekinn fyrir að hóta stuðningsmönnum lífláti

Henry Birgir Gunnarsson skrifar
Whitehead í leik með Browns.
Whitehead í leik með Browns. vísir/getty

Jermaine Whitehead er atvinnulaus en NFL-liðið Cleveland Browns rak hann eftir að leikmaðurinn sturlaðist á Twitter.

Whitehead átti ekki góðan leik gegn Denver og var ítrekað pakkað saman. Því fylgdi gagnrýni í fjölmiðlum sem og á Twitter. Það fór ekki vel á leikmanninn.

Hann ruddist fram á Twitter og fór að svara fólki með miklum látum og ekki síst hótunum.




Hann hótaði stuðningsmönnum liðsins lífláti og gaf upp heimilisfangið sitt við stuðningsmann sem sagðist vera til í að slást við hann.

Útvarpsmaður Browns sem gagnrýndi leik Whitehead fékk líka að heyra það og átti að passa sig á því að verða ekki skotinn. Allt saman mjög eðlilegt.

Ekki er líklegt að Whitehead fái nýtt starf á næstunni.

NFL


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.