Kvöldfréttir Stöðvar 2 í beinni útsendingu

Sú stefna Íslandsbanka að kaupa ekki auglýsingar af fjölmiðlum sem eru með afgerandi kynjahalla mun ekki hafa áhrif á það hvaðan bankinn þiggur innlán. Þetta segir upplýsingafulltrúi bankans. Fjármálaráðherra segir fjármálafyrirtæki í eigu ríkisins fyrst og fremst eiga að þjóna fyrirtækjum og heimilum landsins. Fjallað verður um málið í kvöldfréttum Stöðvar 2.

Einnig verðum við í beinni frá Kringlunni þar sem allt fór á flot síðdegis þegar vatnsúðarakerfi fóru í gang.

Við fjöllum um hamingju Íslendinga tengda efnahag þeirra en samkvæmt nýrri könnun Gallup eru hamingjusömustu Íslendingarnir yfir 65 ára aldri og með háar tekjur.

Einnig segjum við frá því helsta í Brexitmálum og fylgjumst með þegar jarðneskar leifar spænska einræðisherrans Francisco Franco voru fjarlægðar úr grafhýsi hans í dag.

Þetta og margt fleira í kvöldfréttum á samtengdum rásum Stöðvar 2, Bylgjunnar og Vísis kl. 18:30.