Kynningar

Byggja þurfti upp niðurbrotið starfsfólk og nýjan banka þegar heimurinn snerist á hvolf í hruninu

Alfreð kynnir
Hafsteinn Bragason, mannauðsstjóri Íslandsbanka.
Hafsteinn Bragason, mannauðsstjóri Íslandsbanka. Mannauður

Hafsteinn Bragason, mannauðsstjóri Íslandsbanka, er gestur Unnar Helgadóttur í hlaðvarpinu Á mannauðsmáli. Hafsteinn hefur starfað við mannauðsmál í 20 ár og hóf feril sinn hjá Gallup sem mannauðsráðgjafi. Þaðan lá leið hans til Actavis og síðan til Íslandsbanka en þar hefur hann starfað sem mannauðsstjóri frá árinu 2006. 

Hafsteinn fer yfir helstu verkefni og áherslur í hans daglega starfi. Honum þykir mikilvægt að efla stjórnendur og lítur á þá sem hina eiginlegu mannauðsstjóra þar sem þeir eru beintengdir við starfsfólk á hverjum einasta degi og geta haft bein áhrif á líðan starfsfólks og árangur. Einnig kemur Hafsteinn inn á mikilvægi trausts og þess að hafa áhuga á fólki ef þú ætlar að ná árangri í starfi mannauðsstjóra.

Hafsteinn segir Unni einnig frá þeim verkefnum sem mannauðsdeildin í Íslandsbanka stóð frammi fyrir þegar heimurinn snerist á hvolf í hruninu og byggja þurfti upp niðurbrotið starfsfólk og nýjan banka.

Þá kemur hann inn á Stefnufundinn 2009, þar sem allt starfsfólk bankans tók þátt, og mikilvægi hans við að byggja upp bankann að nýju og starfsánægju starfsfólks. Hann segir Unni einnig frá árlegum „Stefnumótum“ við starfsfólk og hvernig orkustjórnun hefur reynst í Íslandsbanka. 

Að lokum taka Hafsteinn og Unnur skemmtilega umræðu um framtíð ráðninga og hvort róbótar verði partur af mannauðsmálum framtíðarinnar.




Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.