Veiði

Fluguakademían með fluguhnýtingar námskeið

Karl Lúðvíksson skrifar
Sigurberg Guðbrandsson kennir á hnýtingarnámskeiðinu hjá Fluguakademíunni.
Sigurberg Guðbrandsson kennir á hnýtingarnámskeiðinu hjá Fluguakademíunni. Mynd: Fish Partner

Þó að stangveiðitímabilið sé búið eru veiðimenn ekkert á því að leggja áhugamálið til hliðar heldur gefa sér veturinn til að hnýta fyrir næsta sumar.

Það er reglulega gaman að hnýta sínar eigin flugur en það er ógleymanlegt að veiða fisk á flugu sem maður hnýtir sjálfur. Fyrir þá sem vilja læra hnýtingar þá er Íslenska fluguveiðiakademían með byrjendanámskeið í fluguhnýtingum. Á námskeiðinu ætlar hinn kunni fluguhnýtari Sigurberg Guðbrandsson að miðla reynslu sinni. Námskeiðið verður haldið í húsakynnum Stangaveiðifélags Hafnarfjarðar að Flatahrauni 29, Hafnarfirði dagana 19. og 26. Nóvember, kl. 19:00-21:30

Námskeiðið er tvö kvöld, 2,5 klukkustundir í senn. Þar mun Sigurberg kenna helstu handtökin við hnýtingar og nemendur munu læra að hnýta ákveðnar flugutegundir. Fyrra kvöldið munu nemendur læra að hnýta púpur og munu hnýta Peacock og Pheasant Tail sem báðar eru mjög gjöfular púpur og byggja góðan grunn fyrir flóknari flugur. Seinna kvöldið munu nemendur hnýta straumflugurnar Nobbler og Black Ghost sem lengi hafa verið mjög gjöfular á hér á landi. Íslenska fluguveiðiakademían útvegar öll tæki og tól en nemendur geta að sjálfsögðu komið með eigin tæki ef þeir óska þess. Verð fyrir námskeiðið er 16.900 kr. en námskeiðið er samtals fimm klukkustundir. Nemendum er bent á möguleikann á niðurgreiðslu frá stéttarfélögum og að yngri kynslóðin geti nýtt frístundarkortið eða samskonar styrki.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.