Veiði

Leirvogsá á lausu

Karl Lúðvíksson skrifar
Leirvogsá er á lausu
Leirvogsá er á lausu

Leirvogsá er ein af þeim þremur perlum Reykjavíkur sem hafa notið mikilla vinsælda hjá veiðimönnum í gegnum árin.

Stangaveiðifélag Reykjavíkur var með ánna á leigu um árabil en Lax-Á hefur verið með hana síðustu þrjú ár. Nú hins vegar verður breyting þar á þar sem Lax-Á hefur sagt sig úr samningnum um ánna og hún er því á lausu eins og er. Veiðin í ánni hefur ekki verið góð síðustu þrjú ár og salan á leyfum því í hana verið erfið. Þetta er þriðja svæðið sem fer frá Lax-Á á þessu ári en hin svæðin eru Blanda sem er komin til Starir og svo Eystri Rangá sem er komin í hendurnar á Roxtons sem er einn stærsti veiðileyfasali í heimi.

Orðið á götunni er að SVFR sé með áhuga á að taka ánna aftur og þá á mun lægra verði en Lax-Á leigði ánna á og ef það reynist rétt er vonandi að verðin lækki í samræmi við það. Það hefur ekki fengist staðfest hver áhugi SVFR er en það kemur líklega í ljós næstu daga.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.