Viðskipti innlent

Lífeyrissjóðir lýsa yfir gríðarlegum vonbrigðum með stöðu sjóða hjá Gamma

Berghildur Erla Bernharðsdóttir og Sylvía Rut Sigfúsdóttir skrifa
Máni Atlason tók við sem framkvæmdastjóri félagsins og sjóðsstjóri Novus um helgina.
Máni Atlason tók við sem framkvæmdastjóri félagsins og sjóðsstjóri Novus um helgina. Vísir/Egill Aðalsteinsson

Nýir stjórnendur Gamma ætla að rannsaka hvað fór úrskeiðis í rekstri tveggja sjóða hjá félaginu en áherslan næstu daga er á að bjarga verðmætum. Lífeyrissjóðir lýsa yfir gríðarlegum vonbrigðum með stöðu sjóðanna og hafa ýmist kallað eftir rannsókn eða lögfræðiálitum.

Forstjóri Gamma hætti fyrir fjórum vikum og sjóðsstjóri Gamma:Novus sagði sömuleiðis upp störfum á dögunum. 

Fjallað var um málið í fréttum Stöðvar 2 í kvöld.

Valdimar Ármann, fyrrverandi forstjóri GAMMA.

Valdimar Ármann sem tók við sem forstjóri Gamma í febrúar 2017 lét af störfum í félaginu fyrir helgi. Þá hefur Ingvi Hrafn Óskarsson sömuleiðis sagt upp störfum sem sjóðsstjóri Gamma:Novus.

Máni Atlason tók við sem framkvæmdastjóri félagsins og sjóðsstjóri Novus um helgina.

Á mánudagsmorgun fengu fjárfestar og kröfuhafar í Gamma:Novus og Gamma:Anglia fasteignaþróunarsjóðum bréf um grafalvarlega stöðu sjóðanna þar sem kom fram að eignir Novus höfðu rýrnað um 99% og Gamma:Anglia um 60 prósent. Máni Atlason framkvæmdastjóri félagsins segir að stjórnendur félagsins muni eiga fund með eigendum í sjóðunum og kröfuhöfum á mánudag. Nú sé áhersla lögð á að bjarga verðmætum.  

Ingvi Hrafn Óskarsson hefur sagt upp störfum hjá Gamma.

„Frá því ég kom til starfa um helgina höfum við lagt alla áherslu á að upplýsa eigendur og kröfuhafa um stöðuna og hámarka virði þeirra eigna sem eru eftir í sjóðunum,“ segir Máni. Hann segir miðað við það sem sé vitað nú séu helstu ástæður þess að virði félaganna var fært svo mikið niður.  

„Vænt sala eigna Upphafs fasteignafélags sem var í rekstri hjá Gamma:Nova hefur verið endurmetið, kostnðarahækkanir hafa verið vanmetnar og  svo notum við aðra aðferð til að meta vaxtakostnað félagsins til framtíðar. Það er svipuð staða með Gamma:ANglia en ráðgjafar okkar í Bretlandi segja að þar sé óviss staða með verkefni og því hafa þau verið færð niður“ segir Máni.  Máni segir að stjórnendur Gamma hafi látið Fjármálaeftirlitið vita af stöðunni fyrir nokkrum dögum og þá verði fundur með eigendum í sjóðunum og kröfuhöfum á þriðjudag. Mikilvægt sé að rannsaka hvað fór úrskeiðis.

Tilkynning Sjóvá Grafík/Stöð 2

Meðal fjárfesta í þessum sjóðum eru lífeyrissjóðir. Það á meðan er lífeyrissjóður Vestmannaeyja sem fjárfesti í Gamma:Novus. Framkvæmdastjóri sjóðsins er afar ósáttur með niðurfærsluna þar sem eignir sjóðins í Gamma:Novus rýrnuðu frá því að vera 155 milljónir króna í eina komma sjö milljónir. 

„Við lítum á málið mjög alvarlegum augum og í raun og veru er ekkert sem við sjáum að geti valdið því að þetta fari svona mikið niður nánast í ekki neitt.“ 

Stjórn sjóðsins sendi frá sér yfirlýsingu í dag þar hún lýsir yfir gríðarlegum vonbrigðum með niðurstöðu endurmatsins og felur framkvæmdastjóra að fylgjast með framvindu málsins. Festa lífeyrissjóður er einnig meðal fjárfesta í Gamma:Novus.

Gylfi Jónasson framkvæmdastjóri sjóðsins sagði í samtali við fréttastofu í dag að bókfært tap sjóðsins vegna niðurfærslunar sé um 300 milljónir. Sjóðurinn sé afar ósáttur með stöðuna og hafi leitað lögfræðilegs álits um hvort farið hafi verið út fyrir heimildir. Það þurfi að rannsaka hvað fór úrskeiðis.


Tengdar fréttir

Kanna greiðslur sem runnu frá félagi í stýringu GAMMA

Grunur um að ekki hafi verið eðlilega staðið að greiðslum til félaga sem komu að verkefnum Upphafs. Félag Guðbjargar í Eyjum fjárfesti fyrir hundruð milljóna í sjóð GAMMA og Stoðir fyrir 500 milljónir í skuldabréfaútboði.

Félag Gísla hagnast um 1.100 milljónir 

Hagnaður fjárfestingafélags Gísla Haukssonar, fyrrverandi forstjóra og annars stofnenda GAMMA, nam tæplega 1.083 milljónum króna í fyrra og jókst um einn milljarð á milli ára.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
BRIM
3,27
21
451.148
EIM
3,11
16
126.639
SIMINN
1,32
11
407.136
VIS
1,23
2
17.490
SKEL
1,12
10
157.458

Mesta lækkun dagsins


Félag
Br.%
Fjöldi
Velta*
KVIKA
-1,47
11
135.730
ICESEA
-0,7
1
5.247
MAREL
-0,51
7
42.442
ICEAIR
-0,41
7
4.404
ORIGO
0
7
56.197
Velkomin á Vísi. Þessi vefur notar vafrakökur. Sjá nánar.