Veiði

Vænir sjóbirtingar í Leirá

Karl Lúðvíksson skrifar
Þessi fallegi sjóbirtingur veiddist í Leirá í gær.
Þessi fallegi sjóbirtingur veiddist í Leirá í gær. Mynd: Iceland Outfitters FB
Það er nú ekki alltaf þannig að það þurfi að fara langt eða í vatnsmiklar ár til að setja í stóra sjóbirtinga.



Ein af þessum litlu perlum sem á oft sinn besta tíma á haustinn er Leirá í Leirársveit en þessi netta á sem oft verður ansi vatnslítil á sumrin er oftar en ekki í góðu vatni á haustinn og þá er veiðin í henni líka oft með besta móti. Á þessum tíma er að finna í ánni lax, staðbundin silung og síðast en ekki síst stíra sjóbirtinga. Þetta er nefnilega ansi skemmtileg á að veiða og þá sérstaklega fyrir þá sem kunna þá list að koma að veiðistöðum án þess að fiskurinn verði þeirra var. 



Þarna er gott að vera með stangir fyrir línu 4-6, flotlínu og litlar straumflugur eða púpu. Það eru nokkrar þrælskemmtilegir veiðistaðir sem halda oft nokkuð af fiski en til að vel gangi þarf að koma varlega að þessum veiðistöðum og oft er gott að hvíla þá til dæmis í klukkutíma á milli þess sem fiskur er tekinn en það þarf ekki alltaf að vera þannig. Veiði líkur í Leirá þann 10. okt svo það er ennþá möguleiki fyrir þá sem eru ekki alveg búnir að klára veiðigleðina á þessu ári að skella sér í einn dag. Það eru Iceland Outfitters sem selja í Leirá.

Tengd skjöl




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.