Veiði

Agnhaldslaust hjá Fish Partner

Karl Lúðvíksson skrifar
Stór bleikja úr Köldukvísl en frá og með næsta sumri verður aðeins leyft að nota agnhaldslausar flugur.
Stór bleikja úr Köldukvísl en frá og með næsta sumri verður aðeins leyft að nota agnhaldslausar flugur. Mynd: Fish Partner

Það er vel þekkt á mörgum vinsælum veiðisvæðum bæði í norður Ameríku og í Evrópu að veiðimenn séu skyldugir til að nota aðeins agnhaldslausar flugur.

Það hefur ekki mikið verið selt af agnhaldslausum flugum á Íslandi en það er þó að aukast mikið og á líklega enn eftir að aukast. Á þeim veiðisvæðum þar sem veiðimenn annað hvort sleppa öllu eða kvóti er aðeins einn lax á dag eða einn lax á vakt er alveg eins líklegt að settar verði herrtari reglur um notkun á agnhaldslausum flugum. 

Veiðifélagið Fish Partner ríður á vaðið á nokkrum af sínum veiðisvæðum með skyldunotkun á agnhaldslausum flugum en þetta á eins og er aðeins við á veiðisvæðum Köldukvíslar, Tungnaár og í Villingavatni. Óheimilt er að nota flugur með agnhaldi nema að agnhaldið hafi verið kreist niður. Einnig er skylda er að hafa háf við veiðar á svæðunum. Þetta er gert til að hlífa fiskinum við óþarfa áverkum og auka lífslíkur fiskins. Mælt er með því að veiðimenn noti gúmmí eða hnútlausa háfa þar sem þeir valda sem minnstum skaða á slímhúð fiskana.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.