Sjö ára fangelsi fyrir ítrekuð kynferðisbrot gegn syni um pabbahelgar Kolbeinn Tumi Daðason skrifar 8. október 2019 15:41 Dómur var kveðinn upp í Héraðsdómi Reykjavíkur sem tekur til mál sem upp koma á höfuðborgarsvæðinu. Vísir/Vilhelm Tæplega sextugur karlmaður hefur verið dæmdur í sjö ára fangelsi fyrir kynferðisbrot gegn eigin syni. Dómur var kveðinn upp í Héraðsdómi Reykjavíkur í morgun en drengurinn var á aldrinum fjögurra til ellefu ára þegar brotin áttu sér stað. Sonurinn taldi pabba sinn hafa brotið á sér flestar pabbahelgar en þangað fór hann aðra hverja helgi eftir að foreldrar hans slitu samvistum. Málið rataði ekki á borð lögreglu fyrr en fjórtán árum eftir að þeim lauk. Þá kærði sonurinn, kominn á þrítugsaldur, föður sinn til lögreglu. Dómurinn taldi framburð sonarins trúanlegan og lagði til grundvallar niðurstöðu sinni. Var bótakrafa sonarins um þrjár milljónir króna úr hendi föður samþykkt. Dómurinn er í samræmi við kröfu ákæruvaldsins í málinu samkvæmt upplýsingum frá héraðssaksóknara.Braut á syni sínum á heimili sínu Faðirinn var ákærður fyrir að beita drenginn ofbeldi og ólögmætri nauðung þar sem hann nýtti sér yfirburði sína gagnvart drengnum og traust hans og trúnað til sín sem föður. Í ákærunni á hendur manninum, sem er í fimm liðum, kemur fram að brotin áttu sér stað á heimilum ákærða yfir átta ára tímabil fyrir og eftir aldamótin. Þegar hann hafði umgengni við soninn. Brot mannsins gegn drengnum voru ítrekuð og verulega gróf. Auk þess að brjóta gróflega á drengnum sýndi hann honum ítrekað á sjö ára tímabilinu klámfengið myndefni í tölvu. Myndefnið sýndi ýmist fullorðna einstaklinga eða börn sem voru beitt kynferðislegu ofbeldi af hálfu fullorðinna karlmanna. Drengurinn kærði brot föður síns sextán árum eftir að þau áttu sér stað eða þegar hann var kominn á þrítugsaldur. Fyrir dómi lýsti sonurinn brotum föður síns og var framburðurinn fyrir dóminum nokkurn veginn á sama veg. Var ekki innbyrðis ósamræmi um mikilvægustu atriðin. Var hann einlægur og trúverðugur í frásögn sinni. Barnalæknir sem annast hefur soninn frá unga aldri taldi ekki ástæðu til að efast um minningar hans.Faðirinn mun dvelja í fangelsi næstu árin að óbreyttu. Hann hefur þó þann möguleika að áfrýja dómnum til Landsréttar.Vísir/VilhelmFaðirinn tilbúinn að ljúga þegar hentaði Dómurinn taldi hins vegar föðurinn hafa verið ótrúverðugan í framburði sínum. Var það mat byggt á nokkrum atriðum. Meðal annars að faðirinn viðurkenndi fyrir dómi að hafa sent bréf til móður drengsins þegar forsjárdeila um hann var í gangi. Þar staðhæfði faðirinn að þáverandi fósturfaðir hefði brotið kynferðislega á syninum. Sömuleiðis staðhæfði faðirinn í bréfunum að fósturfaðirinn hefði beitt brotaþola öðru ofbeldi. Hann lýsti svo fyrir dómi að engin stoð hefði verið fyrir þessum fullyrðingum og þær verið alfarið rangar.Framburður sonar fékk stoð hjá vitnum „Samkvæmt þessu skirrist ákærði ekki við að greina rangt frá þjóni það hagsmunum hans,“ segir í dómnum. Þá leit dómarinn til þess að faðirinn hafnaði því alfarið að hafa sýnt syninum klámfengið myndefni. Uppeldisdóttir föðursins og fyrrum maki staðfestu aftur á móti að faðirinn hefði horft á klám í íbúð þeirra. Sömuleiðis hafnaði faðirinn að hafa verið með skotvopn á heimili sínu og hafa læst og lokað son sinn inni þegar hann var í umgengni. Uppeldisdóttir og fyrrum maki styðja soninn hvað þessi atriði varðar. Sömuleiðis segir fyrrum maki yfirlýsingu ranga sem hún skrifaði undir með föðurnum þess efnis að syninum liði vel á heimili sínu. Þá fer hún gegn gögnum um vanlíðan brotaþola á þessum tíma. Framburður móður drengsins styður framburð sonarins sem og yfirlýsing fyrrum kennara sem hafa staðhæft að pabbahelgar hafi valdið mikilli vanlíðan hjá syninum. Að þessu sögðu lagði dómurinn framburð sonarins til grundvallar niðurstöðu.Málið var flutt í Héraðsdómi Reykjavíkur.Vísir/vilhelmBótakrafan samþykkt Brot föðurins voru framin í brotasamfellu á átta ára tímabili í kringum aldamót. Voru brotin ekki fyrnd þegar rannsókn vegna þeirra hófst hjá lögreglu. Í dómsniðurstöðu segir að brot föðurins hafi verið alvarleg og beinst að mikilverðum hagsmunum. Beitti maðurinn barnungan son sinn kynferðislegu ofbeldi árum saman. Voru brotin framin í skjóli trúnaðartrausts sem ríkti á milli föður og sonar. „Á ákærði sér engar málsbætur,“ segir í dómnum. Með hliðsjón af því var refsing hans ákveðin fangelsi í sjö ár. Sonurinn krafðist þriggja milljóna króna í skaðabætur auk vaxta. Á meðal gagna málsins eru örorkumöt sonarins frá árinu 2009. Er hann skráður öryrki og er hann greindur með ódæmigerða einhverfu og óyrta námserfiðleika. Fram kemur í örorkumati dagsettu 14. september 2017 að skilyrði fyrir hæsta örorkustigi séu uppfyllt hjá brotaþola. Féllst dómurinn á bótakröfu sonarins.Dóminn í heild má nálgast á vef dómstólanna. Dómsmál Kynferðisofbeldi Ofbeldi gegn börnum Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Ef stelpur byrja ungar á blæðingum er það fyrsta flaggið“ Innlent Myndband sýnir þjófana í Hamraborg hafa lítið fyrir hlutunum Innlent Halda andlitinu í skólanum en hrynja niður heima Innlent Myndband af þjófunum í Hamraborg í fréttum Stöðvar 2 Innlent Katrín leiðir og hefur tölfræðilega marktækt forskot á Baldur Innlent Læknir langþreyttur á skriffinnsku: „Mér líður oft eins og Indriða í Fóstbræðrum“ Innlent Hafa vitneskju um mögulegan dvalarstað Íslendings sem flýr réttvísina Erlent Kíghósti hefur náð útbreiðslu á höfuðborgarsvæðinu Innlent Ákærður fyrir að nota slagorð SS-sveitanna á fjöldafundi Erlent Útsendarar Rússa sakaðir um skipulagningu árása í Þýskalandi Erlent Fleiri fréttir Landris stöðugt og hraunbreiðan sex ferkílómetrar Katrín á toppnum um allt land Opna miðstöð fyrir palestínsk börn Íslenska landslagið ómetanlegt fyrir manninn með loftnet í höfuðkúpunni Myndband sýnir þjófana í Hamraborg hafa lítið fyrir hlutunum Greiðir 2000 krónur á dag í vexti á meðan beðið er eftir Þórkötlu Myndskeið úr Hamraborg og maður sem heyrir liti með loftneti Kíghósti hefur náð útbreiðslu á höfuðborgarsvæðinu Myndband af þjófunum í Hamraborg í fréttum Stöðvar 2 Bein útsending: Hvernig er best að reka heilbrigðisþjónustu? Helga gert að rannsaka slysasleppingarnar Kjarnorkuknúinn kafbátur í stuttri heimsókn Halda andlitinu í skólanum en hrynja niður heima „Sérlega sérstakur“ hellir í Mývatnssveit áfram lokaður Læknir langþreyttur á skriffinnsku: „Mér líður oft eins og Indriða í Fóstbræðrum“ Rúmlega sjö hundruð Grindvíkingar vilja selja Forsetaframbjóðendur í Pallborðinu klukkan 13 á morgun Fylgi forsetaframbjóðenda, mótmæli Grindvíkinga og einhverfa barna Liður í uppbyggingunni að fólk geti sest niður og unnið úr áfallinu Cyrus og Herkúles fá já en Bergman bannaður Dæmdur fyrir árásina í Úlfarsárdal Katrín leiðir og hefur tölfræðilega marktækt forskot á Baldur „Ef stelpur byrja ungar á blæðingum er það fyrsta flaggið“ Tvö flutt á slysadeild eftir bílveltu Jón Jónsson kemur nýr inn í stjórn Boða til fundar til að ræða framtíð MÍR eftir dómsmál Fjölgun ofbeldisbrota gegn lögreglu og öðrum opinberum starfsmönnum Ritskoðun bjóra: „Þetta er gert fyrir börnin“ Steingrímur J og Njáll Trausti sameinast í orkuvæðingu norðausturhornsins Flóttamenn tóku forskot á stóra plokkdaginn Sjá meira
Tæplega sextugur karlmaður hefur verið dæmdur í sjö ára fangelsi fyrir kynferðisbrot gegn eigin syni. Dómur var kveðinn upp í Héraðsdómi Reykjavíkur í morgun en drengurinn var á aldrinum fjögurra til ellefu ára þegar brotin áttu sér stað. Sonurinn taldi pabba sinn hafa brotið á sér flestar pabbahelgar en þangað fór hann aðra hverja helgi eftir að foreldrar hans slitu samvistum. Málið rataði ekki á borð lögreglu fyrr en fjórtán árum eftir að þeim lauk. Þá kærði sonurinn, kominn á þrítugsaldur, föður sinn til lögreglu. Dómurinn taldi framburð sonarins trúanlegan og lagði til grundvallar niðurstöðu sinni. Var bótakrafa sonarins um þrjár milljónir króna úr hendi föður samþykkt. Dómurinn er í samræmi við kröfu ákæruvaldsins í málinu samkvæmt upplýsingum frá héraðssaksóknara.Braut á syni sínum á heimili sínu Faðirinn var ákærður fyrir að beita drenginn ofbeldi og ólögmætri nauðung þar sem hann nýtti sér yfirburði sína gagnvart drengnum og traust hans og trúnað til sín sem föður. Í ákærunni á hendur manninum, sem er í fimm liðum, kemur fram að brotin áttu sér stað á heimilum ákærða yfir átta ára tímabil fyrir og eftir aldamótin. Þegar hann hafði umgengni við soninn. Brot mannsins gegn drengnum voru ítrekuð og verulega gróf. Auk þess að brjóta gróflega á drengnum sýndi hann honum ítrekað á sjö ára tímabilinu klámfengið myndefni í tölvu. Myndefnið sýndi ýmist fullorðna einstaklinga eða börn sem voru beitt kynferðislegu ofbeldi af hálfu fullorðinna karlmanna. Drengurinn kærði brot föður síns sextán árum eftir að þau áttu sér stað eða þegar hann var kominn á þrítugsaldur. Fyrir dómi lýsti sonurinn brotum föður síns og var framburðurinn fyrir dóminum nokkurn veginn á sama veg. Var ekki innbyrðis ósamræmi um mikilvægustu atriðin. Var hann einlægur og trúverðugur í frásögn sinni. Barnalæknir sem annast hefur soninn frá unga aldri taldi ekki ástæðu til að efast um minningar hans.Faðirinn mun dvelja í fangelsi næstu árin að óbreyttu. Hann hefur þó þann möguleika að áfrýja dómnum til Landsréttar.Vísir/VilhelmFaðirinn tilbúinn að ljúga þegar hentaði Dómurinn taldi hins vegar föðurinn hafa verið ótrúverðugan í framburði sínum. Var það mat byggt á nokkrum atriðum. Meðal annars að faðirinn viðurkenndi fyrir dómi að hafa sent bréf til móður drengsins þegar forsjárdeila um hann var í gangi. Þar staðhæfði faðirinn að þáverandi fósturfaðir hefði brotið kynferðislega á syninum. Sömuleiðis staðhæfði faðirinn í bréfunum að fósturfaðirinn hefði beitt brotaþola öðru ofbeldi. Hann lýsti svo fyrir dómi að engin stoð hefði verið fyrir þessum fullyrðingum og þær verið alfarið rangar.Framburður sonar fékk stoð hjá vitnum „Samkvæmt þessu skirrist ákærði ekki við að greina rangt frá þjóni það hagsmunum hans,“ segir í dómnum. Þá leit dómarinn til þess að faðirinn hafnaði því alfarið að hafa sýnt syninum klámfengið myndefni. Uppeldisdóttir föðursins og fyrrum maki staðfestu aftur á móti að faðirinn hefði horft á klám í íbúð þeirra. Sömuleiðis hafnaði faðirinn að hafa verið með skotvopn á heimili sínu og hafa læst og lokað son sinn inni þegar hann var í umgengni. Uppeldisdóttir og fyrrum maki styðja soninn hvað þessi atriði varðar. Sömuleiðis segir fyrrum maki yfirlýsingu ranga sem hún skrifaði undir með föðurnum þess efnis að syninum liði vel á heimili sínu. Þá fer hún gegn gögnum um vanlíðan brotaþola á þessum tíma. Framburður móður drengsins styður framburð sonarins sem og yfirlýsing fyrrum kennara sem hafa staðhæft að pabbahelgar hafi valdið mikilli vanlíðan hjá syninum. Að þessu sögðu lagði dómurinn framburð sonarins til grundvallar niðurstöðu.Málið var flutt í Héraðsdómi Reykjavíkur.Vísir/vilhelmBótakrafan samþykkt Brot föðurins voru framin í brotasamfellu á átta ára tímabili í kringum aldamót. Voru brotin ekki fyrnd þegar rannsókn vegna þeirra hófst hjá lögreglu. Í dómsniðurstöðu segir að brot föðurins hafi verið alvarleg og beinst að mikilverðum hagsmunum. Beitti maðurinn barnungan son sinn kynferðislegu ofbeldi árum saman. Voru brotin framin í skjóli trúnaðartrausts sem ríkti á milli föður og sonar. „Á ákærði sér engar málsbætur,“ segir í dómnum. Með hliðsjón af því var refsing hans ákveðin fangelsi í sjö ár. Sonurinn krafðist þriggja milljóna króna í skaðabætur auk vaxta. Á meðal gagna málsins eru örorkumöt sonarins frá árinu 2009. Er hann skráður öryrki og er hann greindur með ódæmigerða einhverfu og óyrta námserfiðleika. Fram kemur í örorkumati dagsettu 14. september 2017 að skilyrði fyrir hæsta örorkustigi séu uppfyllt hjá brotaþola. Féllst dómurinn á bótakröfu sonarins.Dóminn í heild má nálgast á vef dómstólanna.
Dómsmál Kynferðisofbeldi Ofbeldi gegn börnum Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Ef stelpur byrja ungar á blæðingum er það fyrsta flaggið“ Innlent Myndband sýnir þjófana í Hamraborg hafa lítið fyrir hlutunum Innlent Halda andlitinu í skólanum en hrynja niður heima Innlent Myndband af þjófunum í Hamraborg í fréttum Stöðvar 2 Innlent Katrín leiðir og hefur tölfræðilega marktækt forskot á Baldur Innlent Læknir langþreyttur á skriffinnsku: „Mér líður oft eins og Indriða í Fóstbræðrum“ Innlent Hafa vitneskju um mögulegan dvalarstað Íslendings sem flýr réttvísina Erlent Kíghósti hefur náð útbreiðslu á höfuðborgarsvæðinu Innlent Ákærður fyrir að nota slagorð SS-sveitanna á fjöldafundi Erlent Útsendarar Rússa sakaðir um skipulagningu árása í Þýskalandi Erlent Fleiri fréttir Landris stöðugt og hraunbreiðan sex ferkílómetrar Katrín á toppnum um allt land Opna miðstöð fyrir palestínsk börn Íslenska landslagið ómetanlegt fyrir manninn með loftnet í höfuðkúpunni Myndband sýnir þjófana í Hamraborg hafa lítið fyrir hlutunum Greiðir 2000 krónur á dag í vexti á meðan beðið er eftir Þórkötlu Myndskeið úr Hamraborg og maður sem heyrir liti með loftneti Kíghósti hefur náð útbreiðslu á höfuðborgarsvæðinu Myndband af þjófunum í Hamraborg í fréttum Stöðvar 2 Bein útsending: Hvernig er best að reka heilbrigðisþjónustu? Helga gert að rannsaka slysasleppingarnar Kjarnorkuknúinn kafbátur í stuttri heimsókn Halda andlitinu í skólanum en hrynja niður heima „Sérlega sérstakur“ hellir í Mývatnssveit áfram lokaður Læknir langþreyttur á skriffinnsku: „Mér líður oft eins og Indriða í Fóstbræðrum“ Rúmlega sjö hundruð Grindvíkingar vilja selja Forsetaframbjóðendur í Pallborðinu klukkan 13 á morgun Fylgi forsetaframbjóðenda, mótmæli Grindvíkinga og einhverfa barna Liður í uppbyggingunni að fólk geti sest niður og unnið úr áfallinu Cyrus og Herkúles fá já en Bergman bannaður Dæmdur fyrir árásina í Úlfarsárdal Katrín leiðir og hefur tölfræðilega marktækt forskot á Baldur „Ef stelpur byrja ungar á blæðingum er það fyrsta flaggið“ Tvö flutt á slysadeild eftir bílveltu Jón Jónsson kemur nýr inn í stjórn Boða til fundar til að ræða framtíð MÍR eftir dómsmál Fjölgun ofbeldisbrota gegn lögreglu og öðrum opinberum starfsmönnum Ritskoðun bjóra: „Þetta er gert fyrir börnin“ Steingrímur J og Njáll Trausti sameinast í orkuvæðingu norðausturhornsins Flóttamenn tóku forskot á stóra plokkdaginn Sjá meira