Makamál

Spurning vikunnar: Deilir þú kynferðislegum fantasíum með makanum?

Ása Ninna Pétursdóttir skrifar
Ætli ótti fólks við að deila kynferðislegum fantasíum sínum með maka sínum geri það að verkum að fólk verði kynferðislega ófullnægt í samböndum sínum?
Ætli ótti fólks við að deila kynferðislegum fantasíum sínum með maka sínum geri það að verkum að fólk verði kynferðislega ófullnægt í samböndum sínum? Getty

Flestir hafa einhverjar fantasíur varðandi kynlíf þó að þær geti auðvitað verið eins misjafnar og fólk er flest.
En ætli fólk sé almennt óhrætt við að deila fantasíum sínum með makanum?

Þegar rætt er um kynlífsvanda eða sambandsvanda para er niðurstaðan oftast sú að grunnorsökin liggi í samskiptum. Fólk virðist hafa þá tilhneigingu í samböndum að hætta að tjá sig með tímanum og detti í þá gryfju að ætlast til þess að makinn  eigi að vita hvernig þér líður eða hvað þú ert að hugsa. 

Í kynlífi er þetta mjög algengt og samkvæmt kynfræðingum er helsta ástæða kynlífsvanda para, tjáningaleysi eða erfiðleikar með samskipti. Fólk er einfaldlega ekki að tala nóg um kynlíf, þarfir sínar og væntingar. 

Hvað fantasíur varðar þá eru eðilega sumar fantasíur alltaf bara fantasíur en hver veit nema að makinn þinn deili sömu fantasíu og þú en þori ekki að tjá sig um það?
Og hver veit nema tal um fantasíur geti kveikt einhverja glóð eða opnað á eitthvað nýtt og spennandi?

Við vitum allavega ekki neitt fyrir víst nema að við tölum saman, en til þess verður auðvitað að vera traust. Fólk getur eðlilega orðið hrætt við viðbrögð makans þegar talað er um fantasíur og óttinn við það að samtalið geti haft slæm áhrif frekar en góð er líklega ein helsta orsök þess að fólk kýs að gera það ekki. 

Spurning vikunnar er runnin út frá þessum pælingum og er beint að fólki sem er í sambandi. 

Deilir þú kynferðislegum fantasíum með makanum?
Könnunin er skipt eftir kynjum. Svo að athugið að svara þeirri könnun sem á við þitt kyn. 


KARLAR SVARA HÉR:





KONUR SVARA HÉR: 



Makamál vilja skora á fólk að senda hugleiðingar um fantasíur á netfangið makamal@syn.is.


Tengdar fréttir

Sönn íslensk makamál: Rándýr réttur, ódýr stemmning

Eitt af því erfiðasta við að fara á stefnumót fannst mér vera þessi þrúgandi stund þegar kom að því að borga reikninginn. Ég hafði ekki verið í þessum stefnumótabransa síðan ég var unglingur svo að ég kunni nákvæmlega ekkert á þessar óskráðu reglur varðandi reikninginn, voru þær einhverjar?



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.