Sara Björk á skotskónum í öruggum sigri

Íslenski landsliðsfyrirliðinn Sara Björk Gunnarsdóttir lék allan leikinn fyrir Wolfsburg þegar liðið fékk Mitrovica frá Kosovó í heimsókn í Meistaradeild Evrópu í dag.

Um algört formsatriði var að ræða fyrir Söru og stöllur hennar þar sem þær unnu fyrri leikinn með tíu mörkum gegn engu.

Þýska liðið fór nokkuð þægilega í gegnum leikinn í dag og vann að lokum 5-0 sigur eftir að hafa leitt með þremur mörkum gegn engu í leikhléi. Endaði einvígið þar með 15-0 fyrir Wolfsburg.

Sara Björk skoraði síðasta mark Wolfsburg en það kom úr vítaspyrnu.