Veiði

Góðar göngur í Varmá

Karl Lúðvíksson skrifar
Það eru góðar göngur af sjóbirting í Varmá þessa dagana
Það eru góðar göngur af sjóbirting í Varmá þessa dagana

Laxveiðitímabilið fer senn að enda en fyrir hörðustu veiðimennina þýðir það engan veginn að veiðitímabilið sé búið.

Þeir allra hörðustu leggja nú frá sér laxaflugunum og taka upp sjóbirtingsflugurnar. Það er góður rómur gerður af sjóbirtingsveiðinni það sem af er þeim stutta tíma sem það hefur staðið yfir og góðar fréttir af veiðum úr til dæmis Vatnamótum og Eldvatni gefa til kynna að tímabilið gæti orðið gott. 

Ein af þeim ám sem gleymist oft í umræðunni er sú minnsta sem flestir veiðimenn hafa þó einhvern tímann heyrt af og einhverjir veitt en það er Varmá. Síðustu daga hafa borist fréttir af góðum göngum í ánna og veiðimenn sem hafa verið að bleyta flugur í henni oft gert ágæta veiði. Það sem meira er, sjóbirtingurinn er vænn, oft mjög vænn. Það eru ekki mörg ár síðan það þótti fréttnæmt að setja í 80 sm fiska þarna eða bara að sjá þá en núna veiðast nokkrir slíkir í hverri viku og það sjást fleiri. Varmá er skemmtileg fyrir dagsveiði enda stutt frá borginni og veiðileyfin á góðu verði.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.