Veiði

Stórlaxarnir í vikunni

Karl Lúðvíksson skrifar
Þorlákur með 98 sm lax úr Grímsá í gær
Þorlákur með 98 sm lax úr Grímsá í gær Mynd: KL

Haustið er klárlega tíminn fyrir stórlaxa og það er reglulega gaman að fá fréttir af slíkum höfðingjum á þessum árstíma.

Við erum búin að fá fréttir af nokkrum slíkum í þessari viku og þessir fjórir sem við rétt nefnum eru engan veginn tæmandi listi af 90 sm og stærri löxum sem veiddust í vikunni. Enn síður tekur það því að nefna laxa sem eru 80 sm og stærri því þar er af nægu að taka og þá sérstaklega vert að nefna síðasta kvennaholl í Langá sem landaði fjórum löxum yfir 80 sm en fyrsti stórlaxinn sem er á stuttum lista yfir stórlaxa vikunnar veiddist þar í gærkvöldi og það í veiðistað sem geymir iðulega nokkra stóra en það er Stórhólakvörn og þar kom upp 90 sm lax í gær.

Axel Björn Clausen veiddi 104 sm lax í Víðidalsá og er það stærsti lax sumarsins á þeim bæ.  Jóhann Hafnfjörð Rafnsson tók á sama degi 104 sm lax í Laxá í Nesi en þar hafa margir stórlaxarnir veiðst í sumar eins og endranær. Síðan var 98 sm laxi landað í Oddstaðafljóti í Grímsá á seinni vaktinni í gær og eftir því sem við best vitum er það stærsti laxinn úr Grímsá í sumar. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.