Arnþór tekur við nýrri stöðu hjá AVIS
Arnþór Jónsson hefur tekið við sem sölustjóri innanlandsmarkaðar hjá bílaleigunni AVIS. Hann hefur áður starfað sem verkefnastjóri á innanlandsmarkaði.
Í tilkynningu frá bílaleigunni segir að starfið sé tilkomið vegna aukinna umsvifa og mikils vaxtar á starfsemi AVIS innanlands.
„Arnþór starfaði áður sem ráðgjafi á fyrirtækjasviði hjá Intrum/Motus ehf. á árunum 2010 til 2018 áður en hann gekk til liðs við AVIS.
Hann lauk M.Sc. gráðu í alþjóðaviðskiptum með áherslu á kínversku og markaðsfræði frá Háskólanum í Reykjavík árið 2010 og B.Sc. gráðu í viðskiptafræði frá Háskólanum á Bifröst árið 2008,“ segir í tilkynningunni.
Alls starfa um 150 hjá AVIS.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
