Sjáðu mörkin þegar strákarnir rúlluðu yfir Armeníu

Íslenska undir 21 árs landsliðið í fótbolta karla vann í dag öruggan 6-1 sigur á Armeníu í öðrum leik sínum í undankeppni EM.

Íslensku strákarnir skiptu markaskorun bróðurlega á milli sín en þeir Ísak Óli Ólafsson, Willum Þór Willumsson, Jón Dagur Þorsteinsson, Jónatan Ingi Jónsson, Ari Leifsson og Brynjólfur Darri Willumsson sáu um að skora mörkin.

Mörk Íslands komu í stuttum syrpum, fyrstu þrjú mörkin komu á 11 mínútna kafla í fyrri hálfleik og seinni þrjú á sex mínútna kafla í þeim seinni. Armenar náðu að koma sínu marki inn þarna á milli.

Mörkin úr leiknum má sjá hér að ofan.