Albert Ingason hefur slegið í gegn undanfarin misseri fyrir hnyttin og skemmtileg tíst á Twitter. 
Fyrr í vikunni tísti hann myndbandi á Twitter þar sem hann túlkar Emojional viðtal sem Makamál tóku við Brynju Dan en útkoman er vægast sagt fyndin.

Emojional er vikulegur viðtalsliður á Makamálum þar sem viðmælendur fá tíu spurningar og mega aðeins svara í formi emojis (táknmynda).
Albert sá sér leik á borði og tók upp stórkostlega fyndið myndband þar sem hann tók að sér að túlka svörin hennar Brynju Dan. Tístið vakti mikla athygli og var Albert í kjölfarið fenginn í viðtal í Brennsluna á FM957 í morgun. 

Þar tók hann að sér að túlka Emojional viðtal sem tekið var við Rikka G í síðustu viku og má greinilega heyra að þáttastjórnendum er vel skemmt. 

Hægt er að sjá viðtalið hér fyrir neðan: 

Makamál skemmtu sér konunglega við þessa nýju túlkun Emojional viðtalsins og hlakka til að fylgjast með þessum skemmtilega tístara í framtíðinni en hægt er að nálgast hann á Twitter undir notendanafninu @snjalli. 

Hægt er að sjá tístið og myndbandið af túlkun viðtalsins við Brynju Dan hér fyrir neðan: