Innlent

Tveir bátar rákust saman við Langanes

Jóhann K. Jóhannsson skrifar
Björgunarskipið Gunnbjörg frá Raufarhöfn er á leið á vettvang.
Björgunarskipið Gunnbjörg frá Raufarhöfn er á leið á vettvang. Vísir/Vilhelm

Tveir strandveiðibátar rákust saman við Langanes á Norðausturlandi í morgun með þeim afleiðingum að leki kom að öðrum bátnum.

Björgunarskip frá Raufarhöfn hefur verið sent á staðinn og þá voru björgunarsveitar- og slökkviliðsmenn frá Þórshöfn sendir með hraðskreiðum fiskveiðibát á vettvang og komu að bátunum nú skömmu fyrir klukkan tólf.

Að sögn Davíðs Más Bjarnasonar, upplýsingarfulltrúa Slysavarnafélagsins Landsbjargar atvikaðist árekstur bátanna þannig að annar báturinn var vélarvana og kom hinn til aðstoðar. Ekki er talið að neinn hafi slasast en lekinn var þó nokkur sem bátsverjar hafa að einhverju leiti náð tökum á.

Uppfært klukkan 13:09

Björgunarskip frá Raufarhöfn er komið á staðinn ásamt björgunarsveitar- og slökkviliðsmönnum frá Þórshöfn. Búið er að draga strandveiðibátana tvo í land.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.