Veiði

Nýjar vikutölur úr laxveiðiánum

Karl Lúðvíksson skrifar

Nýjar vikutölur úr laxveiðiánum voru birtar í gærkvöldi og það sýnir ennþá það erfiða ástand sem ríkir á vesturlandi.

Að sama skapi sést vel að norðausturhorn landsins virðist vera að eiga ágætt sumar. Selá er til að mynda með afburðastöðu í fjölda laxa per stöng sem og heildarveiði en hún er með 1.167 laxa og í öðru sæti listans á eftir Eystri Rangá sem er með 2.556 laxa og trónir á toppnum. Aðrar ár sem eru búnar að ná 1.000 löxum eru Ytri Rangá og Miðfjarðará. Aðrar ár eiga litla möguleika að ná því í sumar.

Ástandið í vatnsleysinu er orðið þannig að sumar árnar eru vatnsminni en þær hafa nokkru sinni mælst og það er þess vegna ekkert skrítið að ástandið sé eins og það er því vissulega er minni lax í ánum en vonir stóðu til en þær eru samt ekki laxlausar. Langt því frá. Þau holl sem fá fyrstu alvöru úrhellin til dæmis í Laxá í Kjós, Langá, Þverá, Kjarrá, Haffjarðará og Gljúfurá gæti lent í veislu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.