Innlent

Íslenskur hjólreiðamaður slasaðist í Taílandi

Tryggvi Páll Tryggvason skrifar
Gangandi vegfarendur aðstoðuðu manninn.
Gangandi vegfarendur aðstoðuðu manninn. Mynd/skjáskot

Íslenskur hjólreiðamaður á fimmtugsaldri varð fyrir því óláni að slasast í hjólreiðaslysi í taílensku borginni Chiang Mai í norðurhluta landsins á mánudaginn.

Þetta kemur fram í þarlendum fjölmiðlum en tildrög slyssins eru sögð hafa verið þannig að Íslendingurinn hafi hjólað aftan á kyrrstæðan dráttarbíl.

Sjá má á myndbandi af vettvangi hvernig gangandi vegfarendur komu manninum til aðstoðar en í fréttum taílenskra fjölmiðla segir að maðurinn hafi slasast á höfði við áreksturinn.

Aðstoðuðu vegfarendur manninn með því að hringja á sjúkrabíl og halda sólhlífum yfir hjólreiðamanninum á meðan beðið var eftir sjúkrabíl, enda mikill hiti þegar slysið átti sér stað. Var maðurinn fluttur á sjúkrahús til aðhlynningar 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.