Viðskipti erlent

John­son & John­son dæmt til þess að greiða 572 milljónir dollara vegna ópíóða

Sunna Kristín Hilmarsdóttir skrifar
Margir Íslendingar kannast eflaust við barnapúðrið frá Johnson & Johnson, fyrirtækið sem hefur farið mikinn í framleiðslu og markaðssetningu á ópíóðum í Bandaríkjunum síðustu ár og hefur nú verið dæmt til þess að greiða Oklahoma-ríki 572 milljónir dollara vegna þess skaða sem faraldurinn hefur valdið í ríkinu.
Margir Íslendingar kannast eflaust við barnapúðrið frá Johnson & Johnson, fyrirtækið sem hefur farið mikinn í framleiðslu og markaðssetningu á ópíóðum í Bandaríkjunum síðustu ár og hefur nú verið dæmt til þess að greiða Oklahoma-ríki 572 milljónir dollara vegna þess skaða sem faraldurinn hefur valdið í ríkinu. vísir/getty

Bandaríska lyfjafyrirtækið Johnson & Johnson var í dag dæmt til þess að greiða Oklahoma-ríki 572 milljónir dollara vegna þess skaða sem ópíóðafaraldurinn hefur valdið í ríkinu. Upphæðin jafngildir um 72 milljörðum króna á gengi dagsins í dag.

Dómurinn markar tímamót þar sem um er að ræða fyrsta dóminn í máli sem hið opinbera hefur höfðað á hendur lyfjaframleiðanda vegna ópíóðafaraldursins sem geisað hefur undanfarin ár í Bandaríkjunum og tekið líf fjölda fólks.

Talið er að dómurinn geti orðið fordæmisgefandi fyrir önnur dómsmál sem höfðuð hafa verið gegn lyfjaframleiðendum, dreifingaraðilum og söluaðilum vegna ópíóða en málin eru meira en 2000 talsins.

Saksóknarar Oklahoma-ríkis sögðu Johnson & Johnson hafa haft milligöngu um að útvega öðrum lyfjaframleiðendum allt að 60 prósent af innihaldi ópíóða á borð við oxykódín.

Þá markaðssetti fyrirtækið ópíóða, bæði gagnvart sjúklingum og læknum, undir þeim formerkjum að lyfin væru rugg og áhrifamikil.

Þúsundir látið lífið í Oklahoma vegna ópíóða

Dótturfyrirtæki Johnson & Johnson framleiddi einnig ópíóða, annars vegar í töfluformi og hins vegar fentanýl-plástra. Fyrirtækið seldi réttinn til framleiðslu á töflunum árið 2015 en plásturinn er enn í framleiðslu.

„Ópíóðafaraldurinn er ógn við íbúa Oklahoma,“ sagði dómarinn Thad Balkman þegar hann gerði grein fyrir niðurstöðu sinni í dag.

„Við höfum sýnt fram á að Johnson & Johnson eru á meðal þeirra sem hafa orsakað ópíóðafaraldurinn. Þeir græddu milljarða dollara á ópíóðum á 20 ára tímabili en hafa ávallt neitað sök. Á sama tíma segjast þeir vilja gera eitthvað til að leysa vandamálið. Gerið þá það rétta, komið og borgið,“ segir Brad Beckworth, einn af saksóknurum Oklahoma-ríkis í málinu.

Ópíóðafaraldurinn hefur haft mikil áhrif í Oklahoma. Ríkið er strjálbýlt og þar búa 3,9 milljónir manna en á þriggja ára tímabili, frá árinu 2015 til 2018, voru gefnir út 18 milljón lyfseðlar þar sem skrifað var upp á ópíóðalyf. Frá árinu 2000 hafa 6000 íbúar ríkisins látið lífið vegna ofneyslu ópíóða. Þúsundir eru háðir lyfjunum.

Johnson & Johnson, sem er meðal annars þekkt fyrir að framleiða barnapúður og barnaolíur, hyggst áfrýja dómnum sem kveðinn var upp í dag.


Tengdar fréttir

Ópíóðar stærsta heilbrigðisógn í sögu ríkisins

Lyfjaframleiðandinn Johnson & Johnson kom fyrir dóm í Oklahoma í dag en fyrirtækið er ákært fyrir að hafa vísvitandi gefið ópíóðafaraldrinum svokallaða byr undir báða vængi, notað rangar upplýsingar við markaðssetningu verkjalyfja og að hafa lagt lítið upp úr hættu á fíkn.

Ópíóðaframleiðandi greiðir 10,5 milljarða í sáttagreiðslur til að sleppa við dómssalinn

Lyfjafyrirtækið Teva Pharmaceuticals átti að mæta fyrir dóm á þriðjudag samhliða lyfjarisanum Johnson & Johnson, en þau eru sökuð um að hafa vísvitandi gefið ópíóða faraldrinum svokallaða byr undir báða vængi. Teva hefur hins vegar samþykkt að borga 10,5 milljarða íslenskra króna til sáttargerðar í dómsmáli sem Oklahoma ríki höfðaði gegn því vegna hlutdeildar þess í ópíóða faraldrinum sem herjar nú á Bandaríkin.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ORIGO
1,8
2
677
BRIM
0
0
0
HEIMA
0
1
1.218

Mesta lækkun dagsins


Félag
Br.%
Fjöldi
Velta*
SIMINN
-2,9
12
190.976
KVIKA
-2,8
8
47.966
ARION
-2,54
34
992.823
ICEAIR
-2,17
18
37.233
VIS
-1,93
9
87.062
Velkomin á Vísi. Þessi vefur notar vafrakökur. Sjá nánar.