Rigninginn síðustu daga hefur greinilega verið að hleypa lífi í árnar á vesturlandi sem hafa verið þjáðar af vatnsleysi í allt sumar.



Laxá í Dölum fór ekki varhluta af þurrkum frekar en aðrar ár á svæðinu en það hefur heldur betur lifanð yfir tökunni þar síðustu daga eftir að áin hækkaði í vatni. Gærdagurinn gaf í það heila 34 laxa á aðeins sex stangir sem er líklega einn besti dagurinn í dölunum í sumar. Það er sama sagan þar og annars staðar á vesturlandi, laxinn var farinn að safnast í þá fáu hylji sem héldu vatni en er núna farinn að dreifa sér vel á öll veiðisvæði.



Síðasta vika í Laxá í Dölum gaf 132 laxa eða rétt um þriðjung af heildarveiðinni í sumar og hún á örugglega eitthvað inni þar sem tímabilið er ekki búið og vaskur hópur vanra veiðimanna á leiðinni sem þekkja hana vel og eiga örugglega eftir að lyfta veiðitölum en hærra upp.