Viðskipti innlent

Engin sátt í sjónmáli og leggur drög að kæru

Margrét Helga Erlingsdóttir skrifar
Þorsteinn Már Baldvinsson, forstjóri Samherja er ósáttur við svar Seðlabankans og hyggur á stefnu.
Þorsteinn Már Baldvinsson, forstjóri Samherja er ósáttur við svar Seðlabankans og hyggur á stefnu. Fréttablaðið/Anton brink
Fimm milljóna króna krafa forstjóra Samherja fyrir kostnað og miska sem málarekstur Seðlabankans hefur haft í för með sér fyrir sjávarútvegsfyrirtækið Samherja var hófleg. Þetta segir Þorsteinn Már Baldvinsson, forstjóri fyrirtækisins en Samherji leggur þessa dagana drög að kæru á hendur Má Guðmundssyni, fráfarandi Seðlabankastjóra.

Markaðurinn, fylgirit Fréttablaðsins um viðskipti og efnahagsmál, birti í morgun svarbréf Seðlabankans við erindi sem Þorsteinn Már sendi honum 20. febrúar síðastliðinn.

Þorsteinn Már fór fram á fimm milljóna króna greiðslu vegna áralagrar rannsóknar gjaldeyriseftirlits Seðlabankans á ætluðum brotum á lögum og reglum um gjaldeyrismál.

Í svarbréfi Seðlabankans, sem Steinar Þór Guðgeirsson, lögmaður Seðlabankans skrifar undir og Markaðurinn hefur undir höndum, segir að eftir ítarlega skoðun sé það mat Seðlabankans að ekki hafi verið brotið gegn réttindum Þorsteins og Samherja þannig að bótaskyldu að lögum varði. Því telji bankinn sér ekki fært að verða við kröfu um greiðslu til Þorsteins.

„Ég gef nú orðið ósköp lítið fyrir álitsgerðir Steinars Þórs Guðgeirssonar, ég held að hans niðurstöður séu bara pantaðar og þar sé engöngu bara feitir reikningar sem hann sé á eftir […] ekki það að hann sé að sinna sem við getum kallað eðlileg lögmannsstörf,“ segir Þorsteinn Már í samtali við fréttastofu. Svarið hefði ekki komið honum á óvart.

Þorsteinn Már gagnrýnir samskiptaleysi bankans.

„Eftir að bankaráðsformaður Gylfi Magnússon lýsti yfir að bankanum bæri að bæta mönnum tjón sem orðið höfðu fyrir ólögmætum aðgerðum af hálfu bankans sem menn eru allir sammála um nema þá Már Guðmundsson og Steinar Þór. Þá hélt ég allavega að þeir myndu vilja eiga við mig eitt orð, en það er ekki,“ segir Þorsteinn Már.

Aðspurður hvort málið hefði getað verið afgreitt í sæmilegri sátt með fimm milljóna króna greiðslu segir Þorsteinn Már svo vera.

„Jájá, í raun að sjálfögðu, þetta var í raun svo hóflegt og eins og ég segi líka ég óskaði eftir viðræðum við bankann um þetta en við skulum segja það að svona venjulegra manna siður er að tala smaan en það hefur ekki verið vilji til þess.“

Engin sátt í sjónmáli?

„Nei, það er það ekki. Það er búið að reyna það í marga mánuði. Það getur vel verið að bankaráð grípi inn í því það er mjög skýrt álit bankaráðs að bankinn hafi ekki starfað samkvæmt lögum og þá á að sjálfsögðu bankaráð að grípa inn í, það er þeirra hlutverk.“


Tengdar fréttir

Neitar að greiða fimm milljónir til Þorsteins

Seðlabankinn hefur hafnað kröfu forstjóra Samherja um að bjóða honum til viðræðna um bætur vegna þess kostnaðar sem málarekstur bankans hafði í för með sér fyrir hann. Bauðst til að samþykkja fimm milljóna endurgreiðslu.

Leita upplýsinga um leka til RÚV í tölvupóstum Más

Seðlabankinn telur sig hafa ætíð farið að lögum í öllum þeim aðgerðum sem hann greip til við framfylgd gjaldeyrishafta, miðað við þær upplýsingar sem bankinn hafði á hverjum tíma.

Umboðsmaður rekur eftir svari frá Seðlabanka

Þorsteinn Már Baldvinsson, forstjóri Samherja hf., hefur leitað liðsinnis Umboðsmanns Alþingis vegna erinda sem hann hefur ítrekað sent Seðlabanka Íslands á undanförnum mánuðum en ekki fengið svör við.






Fleiri fréttir

Sjá meira


×