Viðskipti innlent

Icelandair tapaði 4,2 milljörðum á öðrum ársfjórðungi

Vésteinn Örn Pétursson skrifar
Ein af Boeing 737 MAX 8-þotum Icelandair, en kyrrsetning vélanna hefur sett strik í reikning félagsins frá því í mars.
Ein af Boeing 737 MAX 8-þotum Icelandair, en kyrrsetning vélanna hefur sett strik í reikning félagsins frá því í mars. Vísir/vilhelm
Flugfélagið Icelandair tapaði 4,2 milljörðum króna á öðrum ársfjórðungi þessa árs. Þetta kemur fram í uppgjöri félagsins fyrir fjórðunginn sem kynnt var í kvöld. Tap félagsins eftir skatta og fjármagnsliði er 2,9 milljarðar. Forstjóri Icelandair Group segir kyrrsetningu MAX-vélanna hafa haft gríðarleg áhrif á afkomu og rekstur félagsins.



Í tilkynningu frá félaginu segir að heildartekjur þess á fjórðungnum hafi verið 49,5 milljarðar króna. Það er eins prósents hækkun frá sama ársfjórðungi síðasta árs.



Eiginfjárhlutfall félagsins í lok júní var 25 prósent samanborið við 28 prósent í lok síðasta árs miðað við sömu reikningsskilareglur. Þá fjölgaði farþegum til Íslands um 39 prósent miðað við sama tíma á árinu 2018.



Haft er eftir Boga Nils Bogasyni að kyrrsetning Boeing 737 MAX-vélanna hafi haft veruleg áhrif á rekstur og afkomu félagsins. Rekstrarhagnaður þess hefði í raun verið jákvæður ef ekki hefði verið fyrir kyrrsetningu vélanna í mars síðastliðnum.



„Í þessum aðstæðum höfum við lagt höfuðáherslu á að lágmarka tjón félagsins og áhrif kyrrsetningarinnar á farþega og íslenska ferðaþjónustu með því að bæta leiguvélum við flota félagsins í sumar. Þá hefur það verið forgangsverkefni hjá okkur að tryggja flugframboð til og frá Íslandi og þannig hefur farþegum Icelandair til Íslands fjölgað um 39% á öðrum ársfjórðungi samanborið við sama tímabil í fyrra.“

Bogi Nils Bogason er forstjóri Icelandair Group.FBL/Stefán
Bogi segir að þrátt fyrir þær mótvægisaðgerðir sem ráðist hafi verið í hafi orðið talsverð röskun á flugáætlun Icelandair og starfsemi þess. Aðgerðirnar hafi þó komið í veg fyrir stórfelldar niðurfellingar á flugi. Staðan sem upp kom í kjölfar kyrrsetningar MAX-vélanna hafi haft áhrif á farþega félagsins og valdið flóknum úrlausnarefnum innan félagsins og hrósar Bogi starfsfólki Icelandair fyrir frammistöðu sína „við mjög erfiðar aðstæður á háannatíma.“



„Markmið félagsins er áfram skýrt – að bæta arðsemi og rekstur félagsins til framtíðar. Við höfum ráðist í fjölmargar aðgerðir á síðustu misserum sem eru þegar byrjaðar að skila árangri en afkoma félagsins, án þegar áætlaðra áhrifa MAX kyrrsetningarinnar, hefur batnað milli ára,“ er haft eftir Boga í tilkynningu frá félaginu.



Rekstrarhagnaður Icelandair fyrir skatta og fjármagnsliði sé jákvæður um 3,1 milljarð króna, án þegar áætlaðra áhrifa kyrrsetningar MAX-vélanna, og hafi því aukist um 5,6 milljarða milli ára.



Tap Icelandair á öðrum ársfjórðungi bætist ofan á þá 6,6 milljarða króna sem Icelandair Group tapaði á síðasta rekstrarári, auk þeirra 6,7 milljarða sem töpuðust á síðasta ársfjórðungi. Tap ársins 2018 var mikill viðsnúningur frá árinu 2017 þar sem hagnaðurinn var 37,5 milljónir Bandaríkjadala, eða 4,6 milljarðar íslenskra króna miðað við gengi dagsins í dag.



MAX-vélarnar hafa verið kyrrsettar um allan heim frá því um miðjan marsmánuð eftir tvö flugslys sem kostuðu alls 346 manns lífið, annað í Eþíópíu en hitt í Indónesíu. Ekki liggur fyrir hvenær kyrrsetningu verður aflétt en Boeing segist vona að það verði fyrir árslok.



Verð hlutabréfa í Icelandair Group hækkuðu um 0,65 prósent í dag í 74 milljón króna viðskiptum.


Tengdar fréttir

Ekki öruggt að stéttarfélögin samþykki frekari undanþágur

Hvorki formaður Flugfreyjufélags Íslands né formaður Félags íslenskra atvinnuflugmanna geta svarað því hvort frekari undanþágur verði veittar frá kjarasamningum, en hinn síðarnefndi telur það erfitt. Icelandair vill leigja vélar með er

Tregða í þróun flugfargjalda

Væg hækkun fargjalda í sumar getur átt sér margar skýringar að sögn greinenda. Ice­landair fari varlega í hækkanir, olíuverð hafi lækkað og fall WOW air hafi raskað verðmælingum. Minni samkeppni skili sér þó á endanum með hærri fargjöldum.




Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
HAGA
3,31
10
388.860
ICESEA
2,01
2
4.834
ICEAIR
1,74
7
5.466
BRIM
1,7
3
23.042
SIMINN
1,3
4
56.096

Mesta lækkun dagsins


Félag
Br.%
Fjöldi
Velta*
REGINN
-4
13
106.145
REITIR
-1,74
12
63.780
EIK
-0,96
10
156.375
VIS
-0,94
6
80.470
ORIGO
-0,51
1
1.024
Velkomin á Vísi. Þessi vefur notar vafrakökur. Sjá nánar.