Viðskipti innlent

Framhaldið um WOW air líklega kynnt í þessari viku

Jóhann K. Jóhannsson skrifar
Ein af flugvél WOW air þegar flugfélagið var í rekstri.
Ein af flugvél WOW air þegar flugfélagið var í rekstri. Vísir/Vilhelm

Kaupendur þrotabús WOW air funduðu með forsvarsmönnum Isavia fyrir helgi þar sem aðilar kynntu sig fyrir hvor öðrum. Líklegt er að nýir eigendur flugfélagsins kynni fyrirætlanir sínar um rekstur þess í þessari viku.

Fyrr í mánuðinum voru nær allar eignir flugfélagsins WOW air seldar úr þrotabúi félagsins. Kaupandinn er sagður vera Oasis Aviation Group sem stýrt er af Michelle Ballarin, bandarískri athafnakonu.

Sveinn Andri Sveinsson, annar skiptastjóra þrotabús WOW Air, sagði í samtali við fréttastofu í dag að efni kaupsamningsins sé trúnaðarmál og því geti hann ekki gefið upp hvernig greitt sé fyrir þrotabúið. Kröfufrestur í þrotabúið er til 3. ágúst og enn óljóst hver endanleg fjárhæð krafna verði. Það sem skili sér fari upp í forgangskröfur.

Kaupendur þrotbúsins funduðu með Isavia fyrir helgi

Páll Ágúst Ólafsson, lögmaður kaupanda þrotabúsins hefur ekki viljað gefa upp hver skjólstæðingur hans er. Oasis Aviaton Group sinnir leiguflugi frá Bandaríkjunum til Afríku og sérhæfir sig meðal annars í flutningi vopna. Páll ítrekaði í samtali við fréttastofu í dag að kaupandinn muni kynna sig rækilega fyrir landi og þjóð þegar nauðsynlegir fundir með stjórnvöldum og stofnunum, um flugrekstur og flugrekstrarleyfi hafa átt sér stað.

Fram hefur komið að félagið sem keypti þrotabúið geti ekki eitt og sér orðið meirihlutaeigandi að nýju flugfélagi. Samkvæmt lögum þurfa aðrir aðilar, innan evrópska efnahagssvæðisins, að eiga að minnsta kosti 51%.

Framhaldið líklega kynnt í þessari viku

Fréttastofan hefur áreiðanlegar heimildir fyrir því að Ballarin hafi verið verið stödd hér á landi fyrir helgi. Samkvæmt upplýsingum frá Samgönguráðuneytinu hafa engir fundir verið haldnir þar eða með ráðherra vegna málsins og Samgöngustofa vildi hvorki játa því né neita að fundarhöld hefðu átt sér stað. Isavia staðfesti hins vegar að fundur hafi verið haldinn með kaupanda þrotabúsins fyrir helgi þar sem aðilar kynntu sig fyrir hvor öðrum.

Samkvæmt heimildum fréttastofu er líklegt að félagið muni kynni fyrirætlanir sínar með WOW air á næstunni, jafnvel í þessari viku.


Tengdar fréttir

Boðberi mannúðar í Sómalíu eða miskunnarlaus málaliði

Athafnakonan Mich­ele Ballarin er hergagnaframleiðandi og sjálfskipaður samningamaður í mannránum. Hún hefur þegið greiðslur frá Pentagon og boðið aðstoð í stríði gegn hryðjuverkum. Nú ætlar hún að endurreisa WOW air.

Bandarísku kaupendurnir þyrftu einhvern með sér í lið

Bandaríska fyrirtækið Oasis Aviation Group - sem keypti allar rekstartengdar eignir úr þrotabúi WOW air - getur ekki orðið meirihlutaeigandi að nýju flugfélagi, í það minnsta ekki á meðan það er rekið á íslensku flugrekstarleyfi. Samkvæmt lögum þyrftu aðrir aðilar, innan evrópska efnahagssvæðisins, að eiga að minnsta kosti 51% í flugfélaginu.

Hafa fundað um flugrekstarleyfi

Kaupandi eigna þrotabús WOW air vinnur nú að því að undirbúa nauðsynleg gögn svo hægt sé að sækja formlega um flugrekstarleyfi hjá Samgöngustofu. Fulltrúar kaupandans hafa átt nokkra fundi með stofnuninni.

Óska eftir því að leigja flugskýli sem áður var leigt til WOW

Bandarískt flugrekstrarfyrirtæki, sem segist sérhæfa sig í vopnaflutningum í Bandaríkjunum, hefur keypt mestallar eigur WOW air af þrotabúi félagsins. Fulltrúar þess hafa nú þegar átt nokkra fundi með Samgöngustofu um flugrekstrarleyfi og hefur þeim verið mjög vel tekið að sögn lögmanns félagsins. Meðal annars hafa þeir óskað eftir því að félagið fái að leigja flugskýli sem áður var leigt til WOW air.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ORIGO
1,8
2
677
BRIM
0
0
0
HEIMA
0
1
1.218

Mesta lækkun dagsins


Félag
Br.%
Fjöldi
Velta*
SIMINN
-2,9
12
190.976
KVIKA
-2,8
8
47.966
ARION
-2,54
34
992.823
ICEAIR
-2,17
18
37.233
VIS
-1,93
9
87.062
Velkomin á Vísi. Þessi vefur notar vafrakökur. Sjá nánar.