Viðskipti innlent

Ekki má búast við neinum straum­hvörfum við fram­kvæmd peninga­stefnunnar

Þorbjörn Þórðarson skrifar
Ásgeir Jónsson, seðlabankastjóri.
Ásgeir Jónsson, seðlabankastjóri. FBL/GVA

Ekki má búast við neinum straumhvörfum við framkvæmd peningastefnunnar með Ásgeiri Jónssyni nýjum seðlabankastjóra. Ásgeir er einn höfunda skýrslu ríkisstjórnarinnar um framtíð íslenskrar peningastefnu sem kom út í fyrra en þar er lögð áhersla á 2,5 prósenta verðbólgumarkmið að undanskildum húsnæðislið.

Á síðasta ári kom út skýrslan Framtíð íslenskrar peningastefnu. Skýrslan var afrakstur vinnu starfshóps ríkisstjórnarinnar en í honum sátu hagfræðingarnir Ásgeir Jónsson sem er nýskipaður seðlabankastjóri, Ásdís Kristjánsdóttir og Illugi Gunnarsson.

Vinnan gekk út frá þeirri forsendu að krónan yrði framtíðargjaldmiðill Íslendinga og voru því tillögur starfshópsins afmarkaðar við það.

Það var niðurstaða skýrsluhöfunda að Íslendingar hefðu í raun og veru aðeins tvo valkosti miðað við þessa forsendu. Annars vegar að halda áfram með sjálfstæða peningastefnu undir merkjum verðbólgumarkmiðs. Eða að hætta að reka sjálfstæða peningastefnu og festa gengi krónunnar varanlega niður með myntráði sem fæli í sér að öll innlend seðlaútgáfa væri tryggð með erlendum gjaldeyri.

Niðurstaða starfshópsins var sú að það væri betra að halda áfram í sjálfstæða peningastefnu með 2,5 prósenta verðbólgumarkmiði. Fastgengisstefna fæli í sér óásættanlega áhættu fyrir fjármálastöðugleika því þá væri engum lánveitanda til þrautavara til að dreifa.

Nýr vinnustaður Ásgeirs, Seðlabanki Íslands. Vísir/Vilhelm

Starfshópurinn lagði hins vegar til að húsnæðisliðurinn yrði undanskilinn úr þeirri verðvísitölu sem verðbólgumarkmið Seðlabankans næði til. Til þess væru nokkrar leiðir færar, Seðlabankinn gæti miðað við aðrar vísitölur, svo sem vísitölu neysluverðs án húsnæðis eða samræmda vísitölu neysluverðs.

Ekki má því búast við straumhvörfum við rekstur peningastefnunnar með nýjum seðlabankastjóra enda er hlutverk Seðlabankans lögbundið og er það einkum tvíþætt. Að stöðla að stöðugu verðlagi og fjármálastöðugleika.

Ásgeir Jónsson var spurður í fréttum Stöðvar 2 í gærkvöldi hvort vænta mætti breytinga með nýjum seðlabankastjóra.

„Það fylgja alltaf nýjar áherslur með nýjum mönnum en það liggur líka fyrir að það er búið að samþykkja ný lög um Seðlabanka Íslands sem taka gildi í janúar. Þær fela í sér breytingar, meðal annars sameiningu Seðlabankans við Fjármálaeftirlitið og ýmsar aðrar breytingar. Það liggur fyrir að mitt hlutverk verður að fylgja þeim breytingum eftir.“

Ásgeir sagði að Íslendingar þyrftu ekki að kvíða framtíðinni.

„Það er aldrei ástæða fyrir því að vera með kvíða en alltaf ágæt að hafa vara á hlutum. Okkar staða er mjög góð. Við höfum fengið 7 til 8 ára hagvöxt. Hagkerfið hefur vaxið um þriðjung á þessum 7 – 8 árum. Á sama erum við að sjá gott jafnvægi í hagkerfinu. Það er enn viðskiptaafgangur, það er ekki verðbólga, atvinnustig tiltölulega gott og við höfum ekki séð neina aukna skuldsetningu á síðari árum. Okkar staða er góð þannig lagað en við erum að fara að sjá niðursveiflu í hagkerfinu að einhverju leyti, það er allavega að hægja á því.“


Tengdar fréttir

Nýr seðlabankastjóri „skarpgreindur, víðsýnn og afkastamikill“

Ásgeir Jónsson, dósent og forseti hagfræðideildar Háskóla Íslands hefur, eins og greint hefur verið frá, verið skipaður Seðlabankastjóri og mun taka við af Má Guðmundssyni. Ásgeir var einn fjögurra sem metnir voru mjög vel hæfir til starfsins og þótti bera af í viðtölum ásamt Gylfa Magnússyni, dósent við HÍ.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ORIGO
5,4
10
48.688
SIMINN
2,7
13
449.612
HEIMA
2,61
4
332.526
ARION
2,49
27
524.765
SKEL
1,9
9
378.437

Mesta lækkun dagsins


Félag
Br.%
Fjöldi
Velta*
ICEAIR
-3,21
12
51.146
EIM
-3,01
37
189.495
ICESEA
-1,08
6
33.044
Velkomin á Vísi. Þessi vefur notar vafrakökur. Sjá nánar.