Viðskipti erlent

Störfum líklega fækkað um 12.500 í niðurskurði Nissan

Andri Eysteinsson skrifar
X-Trail bílar sem þessi var áður framleiddur í Bretlandi. Sökum niðurskurðar er svo ekki lengur raunin.
X-Trail bílar sem þessi var áður framleiddur í Bretlandi. Sökum niðurskurðar er svo ekki lengur raunin. EPA/ Christopher Jue
Mikils niðurskurðar er að vænta hjá bílaframleiðandanum Nissan en talið er að störf um 12.500 manns séu í hættu. Uppgjör eftir fyrsta ársfjórðung leit illa út og ekki er útlit fyrir að hagur Nissan vænkist nokkuð á næstunni. CNN greinir frá.

Forstjóri Nissan, sem er næst stærsti japanski bílaframleiðandinn, Hiroto Saikawa sagði á blaðamannafundi að verksmiðjur staðsettar utan Japan, sem reknar væru með tapi yrðu efstar á niðurskurðarlistanum. 12,500 störf væru í hættu en það er tvöfalt á við það sem talið var fyrr á árinu.

Miklir erfiðleikar steðja að Nissan, nýjar útblásturreglur tollastríð milli Bandaríkjanna og Kína og minnkandi sala á Evrópumarkaði auk vandræðanna í kringum fyrrverandi stjórnarformanninn Carlos Ghosn sem var handtekinn í fyrra.

Framleiðslu á tveimur tegundum Nissan bíla hefur verið hætt í Bretlandi og starfsemi verksmiðja fyrirtækisins í Indónesíu og á spáni hefur verið stöðvuð.






Fleiri fréttir

Sjá meira


×