Viðskipti innlent

HB Grandi kaupir sölufélög í Asíu af ÚR

Stefán Ó. Jónsson skrifar
Guðmundur Kristjánsson, forstjóri HB Granda.
Guðmundur Kristjánsson, forstjóri HB Granda.

HB Grandi hf. og Útgerðarfélag Reykjavíkur hf. hafa náð samkomulagi um kaup fyrrnefnda félagsins á sölufélögum þess síðarnefnda í Asíu. Kaupverðið samsvarar alls 31,1 milljón evra, næstum 4,4 milljörðum króna, og er tilgangur kaupanna „að styrkja stöðu HB Granda og sjávarútvegs á Íslandi á mikilvægum og vaxandi mörkuðum í Asíu,“ eins og það er orðað í tilkynningu til Kauphallarinnar.

Þar segir að um sé að ræða kaup HB Granda á öllu hlutafé í sölufélögum Útgerðarfélagsins í Japan, Hong Kong og á meginlandi Kína, sem og þjónustufélagi á Íslandi sem tengist framangreindum félögum. Öll hin keyptu félög eru í fullri eigu Útgerðarfélags Reykjavíkur.

Búið er að undirrita kaupsamninga en kaupin eru gerð með fyrirvara um samþykki stjórna HB Granda og Útgerðarfélagsins, sem og samþykkt hluthafafundar HB Granda. Fyrirhugað er að kaupverðið verði greitt með útgáfu 133.751.606 nýrra hluta í HB Granda til Útgerðarfélagsins.

„Þetta samsvarar aukningu hlutafjár um 7,3% sem aftur myndi leiða til þess að Útgerðarfélag Reykjavíkur hf. myndi eftir viðskiptin eiga samtals 42,31% heildarhlutafjár í HB Granda hf. Unnin verður áreiðanleikakönnun á hinum keyptu félögum og skýrsla um kaupin samkvæmt lögum um viðskipti tengdra aðila og verður hún kynnt hluthöfum með fundarboði. Hlutabréfin verða afhent við greiðslu kaupverðsins,“ segir í tilkynningunni.

Þar er þess jafnframt getið að umrædd félög hafi staðið að sölu íslenskra sjávarútvegsafurða á Asíu markaði allt frá árinu 1989 og að þau hafi selt rúmlega 38 þúsund tonn af sjávarafurðum á síðasta ári. Velta félaganna hafi numið samtals 146 milljónum evra, hagnaður eftir afskriftir, skatta og fjármagnsliði (EBITDA) 4,2 milljónum evra og bókfært eigið fé félaganna hafi verið 11,5 milljónir evra.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
KVIKA
0,78
4
241.107
HAGA
0,58
1
252
REITIR
0,33
4
31.487
ARION
0,25
3
15.919
REGINN
0,12
1
242

Mesta lækkun dagsins


Félag
Br.%
Fjöldi
Velta*
BRIM
-2,77
9
131.656
SKEL
-1,15
1
11.580
SYN
-0,94
4
25.388
FESTI
-0,59
1
25
VIS
-0,39
2
196
Velkomin á Vísi. Þessi vefur notar vafrakökur. Sjá nánar.