Veiði

Mokveiða makríl við Keflavíkurhöfn

Karl Lúðvíksson skrifar
Krakkarnir mokveiða Makril í Keflavíkurhöfn þessa dagana
Krakkarnir mokveiða Makril í Keflavíkurhöfn þessa dagana Mynd: KL

Stangveiði er ekki bara lax eða silungur og það er genginn í garð sá tími árs sem margir bíða spenntir eftir.

Við höfum verið að fá þær fréttir að makríllinn sé mættur við hafnir landsins og það er ekkert annað en mokveiði á honum núna. Fólk á öllum aldri fjölmennir við bryggjurnar og mokar upp þessum skemmtilega veiðifisk sem tekur hressilega í spúna af öllum stærðum og gerðum. Það vakti furðu margra Íslendinga fyrir nokkrum árum þegar erlendir íbúar landsins flykktust á hafnirnar til að ná sér í makríl enda engin hefð fyrir makríláti á Íslandi. Eina skiptið sem Íslendingar handlékum makríl var kannski sem beitu í Veiðivötnum en sú tíð er breytt og margir sem eru komnir á bragðið enda makríll mjög eftirsóttur matfiskur.

Ef það er einhvern tímann sú stund þegar þú átt að drífa þig niður á bryggju með yngstu kynslóðina þá er það núna. Þú færð varla betra tækifæri til að tryggja það að þau mokveiði fisk og svo ég tali ekki um fisk sem er virkilega gaman að borða. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.