Veiði

Skortur á veiðisiðferði við Þingvallavatn

Karl Lúðvíksson skrifar
Það er slegist um bleikjuna
Það er slegist um bleikjuna Mynd: Ríkarður Hjálmarsson

Það er oft á tíðum mikið fjölmenni veiðimanna við Þingvallavatn og stundum er staðan þannig að það er ansi umsetið á bestu stöðunum.

Annað er þó öllu leiðinlegra en Veiðivísir hefur fengið nokkur bréf í sumar þar sem kvartað er undan framkomu veiðimanna við vatnið og þá sérstaklega í Þjóðgarðinum. Staðan er þannig að það hefur í nokkur skipti legið við að hendur létu skipta þegar ósætti varð milli manna á veiðistöðum.

Ástæðan fyrir þessu er sú að undanfarnar vikur hefur ákveðinn hópur manna við vatnið sótt mikið ákveðna staði og þrátt fyrir að einhver sé á staðnum planta þeir sér sem næst honum, oft fleiri en einn, gagngert til að bola honum í burtu. Oft er kastað viljandi yfir flugulínur og mönnum gert erfitt fyrir þangað til viðkomandi veiðimaður gefst upp og fer. Í alla vega tveimur tilfellum þurfti að ganga á milli manna þar sem menn voru ekki par sáttir við þessa framkomu. 

Þjóðgarðsverði hefur verið sent bréf þar sem spurt var um viðbrögð við þessu en ekki hefur neitt svar borist og líklega er lítið sem hægt er að gera. Veiðisiðferði er eitthvað sem menn þurfa að læra og Veiðivísir á erfitt með að svara því hvernig það er hægt að kenna mönnum almenna kurteisi við bakkann gagnvart þeim sem veiða á sama svæði.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.