Veiði

Laxveiðin erfið á vesturlandi

Karl Lúðvíksson skrifar
Það hefur verið erfitt sumar á vesturlandi í laxveiðiánum.
Það hefur verið erfitt sumar á vesturlandi í laxveiðiánum.

Nýjar vikutölur sem voru birtar á miðvikudagskvöldið á vef Landssambands Veiðifélaga sýnir að veiðin er afar erfið á vesturlandi.

Vikutölurnar endurspegla það ástand sem hefur verið viðvarandi í ánum á vesturlandi frá opnun og það lítur ekkert sérstaklega vel út með framhaldið ef það fer ekki að rigna all hressilega og það í lengri tíma. Árnar eru í mjög litlu vatni sem gerir það að verkum að laxinn er ansi tregur til að ganga.

Það er aftur á móti fínn gangur í Urriðafossi sem er á toppnum yfir veiðisvæðin það sem af er sumri en þar hafa 427 laxar veiðst á 4 stangir. Veiðin í Eystri Rangá er að komast á gott skrið en það hafa veiðst 235 laxar í henni og það er mikið af laxi að ganga. Svona til samanburðar á því í hvað veiðin í Eystri gæti verið að stefna þá er veiðin núna á pari við það sem hún var á sama tíma 2008 þegar áinn fór í um 7000 laxa. Blanda er komin í 135 laxa, Miðfjarðará í 118 og Brennan í 107 en veiðin þar sýnir að laxinn sem á að fara upp í Þverá er bara slakur í Brennunni og bíður betra vatns. Önnur veiðisvæði hafa ekki náð yfir 100 laxa. 







Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.