Viðskipti erlent

Airbus vill fá að bjóða í fyrirhugaða risapöntun IAG ætlaða Boeing

Tryggvi Páll Tryggvason skrifar
Airbus A321XLR er heiti nýju þotunnar sem Airbus kynnti til leiks í París.
Airbus A321XLR er heiti nýju þotunnar sem Airbus kynnti til leiks í París. Teikning/Airbus.

Christian Scherer, sölustjóri Airbus, segir að flugvélaframleiðandinn hafi mikinn áhuga á því að fá að bjóða í stóra flugvélapöntun evrópsku flugfélagasamstæðunnar IAG, sem tilkynnti í vikunni að það hafi skrifað undir viljayfirlýsingu um kaup á 200 Boeing 737 MAX flugvélum.

Tilkynnt var um viljayfirlýsinguna á flugsýningunni í París en sérfræðingar eru sammála um það að þar hafi Airbus stolið senunni þegar félagið kynnti til leiks langdrægustu farþegaþotu heims í flokki mjórra véla með einn farrýmisgang, Airbus A321XLR.

Viljayfirlýsingin IAG, sem á meðal annars breska flugfélagið British Airways og spænska flugfélagið Iberia, vakti þó einnig mikla athygli. Þótti hún vera mikil stuðningsyfirlýsing við Boeing þar sem mikil vandræði hafa verið á bandaríska flugvélaframleiðandanum vegna MAX-vélanna, sem eru í flugbanni vegna tveggja mannskæðra flugslysa.

Forsvarsmenn Airbus vissir um að fá tækifærið

Scherer sagði hins vegar á blaðamannafundi í París í dag að hann liti svo á að þrátt fyrir að skrifað hafi verið undir viljayfirlýsingu á milli Boeing og IAG, þýði það ekki að búið sé að ganga frá kaupunum. Og Airbus vill komast inn í samninginn.

Icelandair er á meðal þeirra flugfélaga sem bíða eftir að fá að fljúga MAX-vélunum á nýjan leik. Getty/ David Ryder

„Okkar afstaða er sú að við viljum fá að bjóða í þessi viðskipti,“ sagði Scherer en Airbus var ekki boðið að bjóða í viðskiptin við IAG. Forstjóri félagsins er þó viss um að félagið fá tækifæri til að senda inn tilboð til IAG.

„Við erum nokkuð viss um að við fáum að taka þátt til þess að tryggja að bestu mögulegu lausn fyrir IAG, sem er mikilvægur viðskiptavinur,“ sagði Guillaume Faury, forstjóri Airbus.

Viljayfirlýsing Boeing og IAG hefur nefnilega ekki síst vakið athygli fyrir þær sakir að IAG hefur hingað til aðeins notast við Airbus-vélar þegar kemur að mjóum þotum með einn farrýmisgang.

Fái Airbus ekki að bjóða í pöntunina þarf félagið engu að síður ekki að örvænta. Airbus segir ellefu flugfélög hafa pantað alls 226 vélar A321XLR. á meðan flugsýningin í París stóð yfir og nýja samninga um alls 363 þotur.

Meðal þeirra félaga, sem búin eru að tryggja sér pláss í framleiðsluröðinni, eru American Airlines með 50 þotur, Indigo Partners með 50 þotur, þar á meðal fyrir Wizzair, og Qantas með 36 þotur.


Tengdar fréttir

Airbus fengið 226 pantanir frá ellefu félögum í nýju þotuna

Airbus segir að stjarna flugsýningarinnar í París hafi klárlega verið hin nýja A321XLR. Ákvörðun um að hefja framleiðslu hennar var kynnt á mánudag en hún verður langdrægasta útgáfan af A-321 línu evrópska flugvélaframleiðandans.

Móðurfélag British Airways vill 200 nýjar Boeing MAX-vélar

Viljayfirlýsing IAG, móðurfélag breska flugfélagsins British Arways, um kaup á 200 Boeing 737 MAX flugvélum er talinn vera mikill sigur fyrir bandaríska flugvélaframleiðandann sem glímt hefur við erfiðleika vegna flugbanns 737 vélanna eftir tvö mannskæð flugslys.

Næstu stórkaup Icelandair gætu orðið í þessari þotu

Ráðamenn Icelandair stefna að ákvörðun fyrir áramót um framtíðarskipan flugflotans sem gæti falið í sér stórfelld flugvélakaup. Ný langdræg farþegaþota Airbus er meðal þeirra sem helst koma til greina.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ORIGO
1,8
2
677
BRIM
0
0
0
HEIMA
0
1
1.218

Mesta lækkun dagsins


Félag
Br.%
Fjöldi
Velta*
SIMINN
-2,9
12
190.976
KVIKA
-2,8
8
47.966
ARION
-2,54
34
992.823
ICEAIR
-2,17
18
37.233
VIS
-1,93
9
87.062
Velkomin á Vísi. Þessi vefur notar vafrakökur. Sjá nánar.