98 sm lax úr Blöndu

Veiðimenn sem fara í Blöndu þekkja það vel að eiga við stórlaxa enda er hún ein af þessum ám sem reglulega gefur laxa um og yfir 20 pund.

Veiðivísir hefur aðeins verið að glugga í veiðibækur og veiðimyndir úr ánum það sem af er sumri og viðerum nokkuð viss um að stærsti laxinn hingað til í sumar hafið komið á land í gær í Blöndu. Það var Ágúst sem veiddi laxinn sem er mældur 98 sm að lengd en eins og sést á myndinni er þetta dæmigerður þykkur Blönduhöfðingu og líklega yfir 20 pund að þyngd en að okkur vitandi var hann ekki vigtaður.

Það er þó ólíklegt að þetta met haldi lengi því eins og lesendur Veiðivísis þekkja þá er það vanalega Laxá í Nesi sem gefur 100 sm og stærri laxa í röðum þegar líður á sumarið en aðrar ár sem gefa líka reglulega stórlega og það verður þess vegna spennandi að sjá hvenær fyrsti 100 sm eða stærri laxinn kemur á land í sumar en það sem af er sumri virðist að stórlaxinn á Íslandi sé að eiga góða endurkomu.