Makamál

Bone-orðin 10: Gígja Dögg er veik fyrir ilmandi iðnaðarmönnum

Ása Ninna Pétursdóttir skrifar
Gígja  Dögg, ljósmyndari og búfræðingur, elskar að láta koma sér á óvart en hefur litla þolinmæði fyrir tuði og monti.
Gígja Dögg, ljósmyndari og búfræðingur, elskar að láta koma sér á óvart en hefur litla þolinmæði fyrir tuði og monti.

Gígja Dögg Einarsdóttir er 39 ára ljósmyndari og búfræðingur. Hún er einna þekktust fyrir hestamyndirnar sínar sem hún hefur verið að selja til HM og Urban Outfitters. Í sumar stefnir Gígja á það að vera sem mest úti á landi að mynda, stunda fjallgöngur, hestaferðir og almenna gleði.

Makamál fengu að heyra hver 10 Bone-orðin hennar Gígju eru.

ON:

1. Skeggbroddar, skegg og bringuhár. Já ég veit, ahah! Algjör klisja, en ég ræð ekki við mig. Það er bara eitthvað Mmmmm við þessi element.

2. Komdu mér á óvart. Varúð! Þessi liður krefst sjálfsöryggis og pínu hvatvísi. T.d svohljóðandi sms: „Hæ, vertu tilbúin eftir 10 mín!“ Á meðan er ég bara heima að horfa á Handmaid's Tale með popp og ekki að búast við neinu. Svo er ég á leiðinni í eitthvað ævintýri alveg óvart. Algjört æði.

3. Hreinskilni. Segðu það sem þú ert að hugsa. Vertu þú sjálfur, eins og þú ert. Láttu það flakka, dansaðu í vindinum. Faðmaðu heiminn, elskaðu.

4. Góður ilmur, hann gerir svo mikið. Svo eru það iðnaðarmennirnir. Ég svag fyrir iðnaðarmönnum.

5. Svartur húmor. Ég er með mjög svartan húmor og stundum finnst fólki í kringum mig hlutir ekki fyndnir sem mér finnast fyndnir. Svolítið vandræðalegt. Væri mjög gaman að geta hlegið saman.

OFF: 

1. Það er yndislegt að fá rómantískt skilaboð. En þegar þau skipta tugum yfir daginn og á næturnar, þá hugsanlega reima ég á mig „sprettarana“, hleyp í burtu og lít ekki við.

2. Mont. Þú átt ekki að þurfa að sannfæra mig um það að þú sért æði.

3. Ber að ofan sjálfsmyndir inni á klósetti. Fer alltaf að flissa þegar ég sé svoleiðis.

4. Pempíur. Þá líður mér eins og ég sé gaurinn.

5. Tuð. Ég dett alltaf út í miðju tuði og fer að hugsa eitthvað allt annað. Til dæmis um ilmandi, fyndinn iðnaðarmann með skegg og bringuhár.

Gígja Dögg kann vel að meta hreinskilni og svartan húmor.

Makamál þakka Gígju Dögg kærlega fyrir spjallið og vona að hún upplifi einhverjar óvæntar og spennandi uppákomur í sumar. 

Þeir sem vilja fylgjast með Gígju þá er Instagram prófíllinn hennar hér.


Tengdar fréttir

Hvað syngur Hreimur?

Hreimur Örn Heimisson tónlistarmaður eða Hreimur í Landi og sonum er flestum kunnugur en þessa dagana er undirbúa upptökur á sóló verkefninu sínu sem að hann segir væntanlegt í haust. Makamál heyrðu í Hreimi og fengu að heyra hvað syngur í honum þessa dagana.

Einhleypan: Dóra Júlía leitar að því ósýnilega

Einhleypa Makamála þessa vikuna en engin önnur en ofurskutlan Dóra Júlía eða DJ J'adora eins og hún kallar sig. Dóra vinnur fulla vinnu sem plötusnúður hér á landi og ferðast einnig mikið erlendis til að spila og leita upp ný ævintýr.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.