Banaslys á Ingjaldssandsvegi

Stjórnandi veghefils sem var við störf á Ingjaldssandvegi á Sandheiði í Gerðhamradal á Vestfjörðum lést í gær þegar veghefillinn hafnaði utan vegar. Lögreglan á Vestfjörðum greinir frá.

Tilkynning um slysið barst lögreglunni á Vestfjörðum rétt fyrir klukkan sex síðdegis í gær. Tildrög slyssins eru ókunn og hefur lögreglan málið til rannsóknar með aðstoð Rannsóknarnefndar samgönguslysa og Vinnueftirlitsins.

Ekki er unnt að birta nafn hins látna að svo stöddu.